صحافیوں کے حقوق کی آواز ہر جگہ بلند کر ینگے،مولانا فضل الرحمان  

اسلام آباد(سٹاف رپورٹر)  جمعیت علماء   اسلام  اور پی ڈی ایم کے  سربراہ مولانا فضل الرحمان  نے کہا ہے کہ ہم صحافیوں کے حقوق کی آواز ہر جگہ بلند کر  ینگے، موجودہ حکومت  صحافیوں پر غیر اعلانیہ مارشل لاء   نافذ کرنے کی تیاری میں ہے، پی ڈی ایم   سربراہی اجلاس  کے فیصلے کے مطابق  13 ستمبر کو صحافیوں کے ساتھ پارلیمنٹ ہاؤس میں احتجاج کریں گے،۔ ان خیالات کا اظہار انہوں نے   پریس فریڈم ایکشن کمیٹی کی  ان سے  ملاقات  کے دوران کیا۔ ملاقات میں افضل بٹ، صدر نیشنل پریس کلب شکیل انجم، جنرل سیکرٹری انور رضاء کے علاوہ   سنئیر صحافی طارق چوہدری، سیکرٹری جنرل پی آر اے آصف بشیر چوہدری،  مبارک زیب خان، علی رضاء   علوی، طارق ورک، اسحاق چوہدری،ملاقات میں رکن قومی اسمبلی مفتی عبدالشکور، مفتی ابرار احمد بھی شامل تھے۔پریس فریڈم ایکشن کمیٹی نے صحافیوں کے مسائل سے مولانا فضل الرحمان کو  آگاہ کیا۔پریس فریڈم کمیٹی نے اپنے مطالبات بھی تحریری طور پر مولانا فضل الرحمان کو دئیے۔مولانا فضل الرحمان نے صحافیوں کو مکمل تعاون کی یقین دہانی کروائی ۔ افضل بٹ  کا کہناتھا 13 ستمبر کو پارلیمنٹ ہاؤس کے باہر ہم احتجاج کریں گے۔ہر دور میں آپ نے بڑی جمہوری تحریکوں میں حصہ لیا ہے۔جمعیت علماء   اسلام نے ہمیشہ صحافیوں کے حقوق کی آواز بلند کی۔ امید ہے اب بھی جییوآئی صحافیوں کے شانہ بشانہ کھڑی رہے گی۔مولانا فضل الرحمان  نے اس موقع پر کہا ہماری جماعت صحافیوں کے حقوق کی آواز ہر جگہ بلند کرے گی۔پی ڈی ایم کے سربراہی اجلاس میں ہم نے فیصلہ کیا کہ 13 ستمبر کو صحافیوں کے ساتھ پارلیمنٹ ہاؤس میں احتجاج کر ینگے۔   انہوں نے کہا صحافیوں کے حقوق کیلئے ملک بھی میں صوبائی ہیڈکوارٹرز میں سیمینار کریں گے۔نیشنل پریس کلب میں بھی جلد پی ڈی ایم صحافیوں کے حق میں سیمینار کرے گی۔موجودہ حکومت صحافیوں پر غیر اعلانیہ مارشلاء   نافذ کرنے کی تیاری میں ہے۔جمعیت علماء   اسلام پریس فریڈم کمیٹی کے شانہ بشانہ کھڑی رہے گی۔ 
مولانا فضل الرحمان