وزارت دفاع کا ایکس سروس مین سوسائٹی، ویٹرنز سے اعلان لاتعلقی 

وزارت دفاع کا ایکس سروس مین سوسائٹی، ویٹرنز سے اعلان لاتعلقی 

  IOS Dailypakistan app Android Dailypakistan app


  راولپنڈی (آئی این پی)وزارت دفاع نے پاکستان ایکس سروس مین سوسائٹی اور ویٹرنز آف پاکستان سے لاتعلقی کا اعلان کرتے ہوئے کہاہے کہ ایسی نام نہاد سابق فوجیوں کی سوسائٹیاں مسلح افواج سے وابستگی کاغیر قانونی دعوی کرتی ہیں۔ جمعہ کو وزارت دفاع کی جانب سے جاری اعلامیے کے مطابق  پاکستان ایکس سروس مین سوسائٹی اور ویٹرنز آف پاکستان کو تسلیم نہیں کرتے، سابق فوجیوں کی سوسائٹی کی دعویدار ایسی انجمنوں کی سرگرمیوں کی توثیق نہیں کرتے۔وزارت دفاع کا کہنا ہے کہ یہ انجمنیں خیراتی مقاصد، سیلاب زدگان کی امداد کیلئے  فنڈز کی درخواست کرتی ہیں، یہ انجمنیں عوامی خدمات یا اپنے خیالات کی ترویج کیلئے حمایت کی درخواست کرتی ہیں، ایسی نام نہاد سابق فوجیوں کی سوسائٹیاں مسلح افواج سے وابستگی کاغیر قانونی دعوی کرتی ہیں۔وزارت دفاع کے مطابق ایسی سوسائٹیوں کو نہ تو تسلیم کیا گیا نہ ہی اس کی اجازت ہے، سابق فوجیوں کی سوسائٹیوں کے کام کرنیکی جامع پالیسی رہنما اصول مرتب کرچکے ہیں لہٰذا پالیسی کے رہنما اصولوں کی تعمیل نہ کرنیوالے افراد کی کوئی بھی تنظیم مجرم ہوگی۔وزارت دفاع کا کہنا ہے کہ ایسی تنظیم کو تعزیری نتائج کا سامنا کرنا پڑے گا۔
وزارت دفاع

مزید :

صفحہ اول -