پشاور ہائیکورٹ نے خیبر پختونخوا کے بجلی صارفین سے فیول ایڈجسٹمنٹ چارجز کی وصولی روک دی 

پشاور ہائیکورٹ نے خیبر پختونخوا کے بجلی صارفین سے فیول ایڈجسٹمنٹ چارجز کی ...

  IOS Dailypakistan app Android Dailypakistan app


      اسلام آباد(مانیٹرنگ ڈیسک،نیوزایجنسیاں) پشاور ہائی کورٹ نے خیبر پختونخوا کے صارفین سے بجلی کے بلوں میں فیول پرائس ایڈجسٹمنٹ کی وصولی پر حکم امتناع جاری کردیا۔پشاور ہائی کورٹ میں شاہد قیوم خٹک ایڈووکیٹ کی وساطت سے شہری نے درخواست دائر کی جس کی سماعت جسٹس روح الامین اور جسٹس شاہد خان نے کی۔سماعت کے دوران شہری نے موقف اختیار کیا خیبر پختونخوا میں ساری بجلی پانی سے بنتی ہے جبکہ سرپلس بجلی وفاق کو دی جاتی ہے۔درخواست میں مزید موقف اپنایا گیا کہ نیشنل گریڈ میں جانے کے بعد ہمارے صوبے کے صارفین سے ایف پی اے کی وصولی بلوں میں جاری ہے جو غیر قانونی ہے۔درخواست پر عدالت نے فیول پرائس ایڈجسٹمنٹ کی وصولی روک دی اور اس حوالے سے متعلقہ حکام سے جواب طلب کرلیا۔
پشاور ہائی کورٹ 

مزید :

صفحہ اول -