دولہا کے دوستوں کو مزید ’پاپڑ‘ دینے سے انکار پر شادی کی تقریب میدان جنگ بن گئی

دولہا کے دوستوں کو مزید ’پاپڑ‘ دینے سے انکار پر شادی کی تقریب میدان جنگ بن ...
دولہا کے دوستوں کو مزید ’پاپڑ‘ دینے سے انکار پر شادی کی تقریب میدان جنگ بن گئی
سورس: Screengrab

  IOS Dailypakistan app Android Dailypakistan app

نئی دہلی(مانیٹرنگ ڈیسک) بھارت میں دولہا کے دوستوں کو مزید ’پاپڑ‘ دینے سے انکار پر شادی کی تقریب میدان جنگ بن گئی۔ انڈیا ٹائمز کے مطابق شادی کی یہ تقریب ریاست کیرالہ ضلع ایلاپوزا میں ہو رہی تھی جہاں دلہن والوں نے دولہا کے دوستوں کو مزید پاپڑ دینے سے انکار کر دیا جس پر شراب کے نشے میں دھت دولہا کے دوست بپھر گئے اور بات ایسی بڑھی کہ دولہا اور دلہن والے باہم دست و گریباں ہو گئے۔


ٹوئٹر صارف راکیش کرشنن سیمہا کی طرف سے اس واقعے کی ویڈیو شیئر کی گئی ہے جس میں دیکھا جا سکتا ہے کہ مہمان اور میزبان ایک دوسرے پر لاتوں، مکوں اور گھونسوں کی بوچھاڑ کر رہے ہوتے ہیں۔ کرسی، پلیٹ، گلاس ۔۔ جس کے ہاتھ میں جو آرہا ہوتا ہے وہ مخالف پارٹی پر چلائے جارہا ہوتا ہے۔ رپورٹ کے مطابق یہ لڑائی پولیس کی مداخلت پر ہی انجام کو پہنچی۔ پولیس نے 10لوگوں کے خلاف مقدمہ درج کر لیا ہے جن کا تعلق دونوں طرف کے لوگوں سے ہے۔ 

مزید :

ڈیلی بائیٹس -