پشاور ،آئی ڈی پیز امداد میں غبن، ایڈیشنل ہوم سیکرٹری خیبر پختونخواگرفتار

پشاور ،آئی ڈی پیز امداد میں غبن، ایڈیشنل ہوم سیکرٹری خیبر پختونخواگرفتار

پشاور(آن لائن) آئی ڈی پیز کو دی جانے والی امداد میں کروڑوں روپے کی خرد برد کرنے کے الزام میں وفاقی ڈیزاسٹر منیجمنٹ اتھارٹی کے سابق اہلکاروں سمیت ایڈیشنل ہوم سیکرٹری خیبر پختونخوا ارشد خان کو گرفتار کر لیا گیا ہے۔قومی احتساب بیورو کے اہلکاروں نے کارروائی کر کے ایڈیشنل ہوم سیکرٹری خیبر پختونخوا ارشد خان کو 7 ساتھیوں سمیت آئی ڈی پیز کو دی جانے والی امداد میں غبن کے الزام میں گرفتار کیا ہے۔ نیب ذرائع کے مطابق ارشد خان اور ان کے ساتھیوں پر سوا 5 کروڑ روپے کی رقم خرد برد کرنے کا الزام ہے۔نیب نے کرپشن کے الزام میں ایف ڈی ایم اے کے 2 سابق اہلکاروں سراج الدین اور عرفان کو بھی 6 کروڑ روپے کی کرپشن کے الزام میں گرفتار کیا ہے۔ ذرائع کا کہنا ہے کہ گرفتار ملزمان سے تحقیقات کا آغاز کردیا گیا ہے۔

مزید : صفحہ اول