سو کر اٹھتا ہی نہیں !عرب خاتون نے شادی کے صرف ایک ماہ بعد ہی شوہر سے طلاق لے لی

قاہرہ (نیوز ڈیسک) خاوند کے سرہانے بیٹھ کر گھنٹوں اس کے بیدار ہونے کا انتظارکرنے والی نئی نویلی مصری دلہن نے مایوس ہوکر طلاق لے لی۔

مزیدپڑھیں:ایک شکل تین دلہنیں، دولہے بھی چکرا گئے

اخبار ”الیوم السابعہ“ کے مطابق خاتون کی شادی ابھی ایک ماہ قبل ہوئی تھی لیکن وہ حد سے زیادہ سونے والے خاوند کی وجہ سے سخت پریشانی کا شکار تھی۔ اس نے مصر قدیمہ فیملی کورٹ میں درخواست دی کہ اس کا شوہر کام سے واپس آتے ہی سو جاتا ہے اور 15 گھنٹے سے زائد وقت کے لئے سوتا رہتا ہے۔ شوہر پر اکثر دوران گفتگو یا کسی مہمان کی موجودگی میں سوجانے کا بھی الزام تھا۔ خاتون نے عدالت کو دی گئی درخواست میں بتایا کہ اسے شادی سے پہلے نہیں بتایا گیا تھا کہ اس کا ہونے والا شوہر بیماری کی حد تک سونے کا عادی ہے۔ عدالت نے خاتون کی درخواست کو قبول کرتے ہوئے طلاق کا حکم جاری کردیا۔ دوسری جانب ملزم کا کہنا ہے کہ اسے کوئی بیماری نہیں ہے بس وہ قدرے زیادہ سونے کا عادی ہے۔