ایران امریکی کمپنی سے 30جیٹ طیارے خریدے گا
واشنگٹن (ڈیلی پاکستان آن لائن)ایران امریکی کمپنی سے 30جیٹ طیارے خریدے گا ۔ امریکی کمپنی بوئنگ اور ایرانی ائیر لائن آسمان کے درمیان معاہدہ طے پاگیا ۔
طیارہ ساز امریکی ادارے بوئنگ نے بتایا ہے کہ ایران کی ایئر لائن آسمان نے30 طیارے خریدنے پر رضا مندی ظاہر کر دی ہے۔ 737 MAX جیٹ طیاروں کی فروخت کے اس معاہدے کی مالیت تین بلین ڈالر بنتی ہے۔ اس امکان کا اظہار بھی کیا ہے کہ ایرانی کمپنی اس کے علاوہ مزید30 طیارے بھی خرید سکتی ہے۔ بوئنگ کمپنی کی طرف سے جاری کردہ ایک بیان کے مطابق اس معاہدے پر دستخط کر دیے گئے ہیں۔