شاہین شاہ آفریدی نے کیرئیر کے پہلے ٹی 20 میچ میں ہی ایسا ریکارڈ اپنے نام کر لیا جو کوئی بھی نہیں توڑ سکتا، جان کر آپ بھی ان کی محنت اور قسمت پر رشک کریں گے
کراچی (ڈیلی پاکستان آن لائن) پاکستان کے ابھرتے ہوئے نوجوان فاسٹ باﺅلر شاہین شاہ آفریدی نے ویسٹ انڈیز کیخلاف تیسرے ٹی 20 میچ میں انٹرنیشنل کیرئیر کا آغاز کیا اور اس کیساتھ ہی ایک ایسا اعزاز اپنے نام کر لیا ہے جو کوئی بھی نہیں توڑ سکتا۔
یہ بھی پڑھیں۔۔۔”میں ہوتا تو پی ایس ایل کا یہ کھلاڑی شامل کرتا کیونکہ۔۔۔“ راجستھان رائلز نے سٹیو سمتھ کی جگہ کلاسین کو منتخب کیا تو اسلام آباد یونائیٹڈ کے کوچ ڈین جونز ’ناراض‘ ہو گئے، پی ایس ایل کے ایسے کھلاڑی کا نام لے لیا کہ بھارتی ’جل بھن‘ کر رہ جائیں گے
شاہین شاہ آفریدی نے پاکستان سپر لیگ (پی ایس ایل) تھری میں لاہور قلندرز کی نمائندگی کی جو اچھی کارکردگی کا مظاہرہ تو نہ کر سکی مگر شاہین آفریدی نے اپنا لوہا منوا لیا اور سلیکٹرز نے ان کو ویسٹ انڈیز کیخلاف ٹی 20 سیریز کیلئے سکواڈ میں منتخب کر لیا۔
تیسرے ٹی 20 میچ میں انہوں نے اپنے انٹرنیشنل کیرئیر کا ڈیبیو کیا تو اس کیساتھ ہی وہ پاکستان کے پہلے کرکٹر بن گئے جو سن 2000ءمیں پیدا ہوا اور انٹرنیشنل کرکٹ تک پہنچ گیا۔ ان سے پہلے پاکستانی ٹیم میں جو بھی کھلاڑی شامل ہوا وہ سن 2000 ءسے پہلے اس دنیا میں آیا۔
یہ بھی پڑھیں۔۔۔5 ہزار روپے کی ٹکٹ خرید کر میچ دیکھنے کیلئے آیا یہ شخص 500 روپے والی ٹکٹ خریدنے والوں سے کیا کہتا رہا؟ ویڈیو نے سوشل میڈیا پر ہنگامہ برپا کر دیا، ہر کوئی برا بھلا کہنا لگا کیونکہ۔۔۔
اب اگر یہ کہا جائے کہ شاہین آفریدی کا یہ اعزاز کوئی بھی نہیں توڑ سکتا تو کچھ غلط نہ ہو گا کیونکہ اب سن 2000ءکے بعد پیدا ہونے والا کوئی بھی پاکستانی انٹرنیشنل کرکٹ میں پہنچے گا تو وہ پہلا کرکٹر نہیں کہلائے گا بلکہ دوسرا کرکٹر کہلائے اور اس فہرست میں شاہین شاہ آفریدی ہمیشہ پہلے نمبر پر ہی رہیں گے۔
