" میں جمعہ کو سفید شلوار قمیض پہنتی ہوں لیکن اس بار۔ ۔ ۔" ماورا حسین نے نئی تصویر شیئرکردی

ّّّکراچی (آئی این پی) معروف اداکارہ ماورا حسین نے سفید لباس پہن کر دنیا بھر کے طبی عملے کے ساتھ اظہارِ یکجہتی کیا۔ گزشتہ روز ہ ماورا حسین نے تصویر اور ویڈیو شیئرنگ ایپ انسٹاگرام پر اپنی کچھ تصاویر شیئر کیں جس میں انہوں نے سفید رنگ کا لباس زیب تن کیا ہوا ہے۔
ماورا حسین نے اپنی اِس پوسٹ کے کیپشن میں لکھا کہ میں ہمیشہ جمعے کی نماز کے لیے سفید رنگ کا قمیض شلوار پہنتی ہوں۔ اداکارہ نے لکھا کہ میں نے آج خاص طور پر سفید رنگ کا لباس اِس لیے پہنا ہے تاکہ میں دنیا بھر کے تمام طبی عملے کے ساتھ اظہارِ یکجہتی کرسکوں جو کورونا وائرس کی جنگ میں ہمارے لیے فرنٹ لائن پر لڑ رہے ہیں۔
View this post on InstagramAmidst the dark times, may light shine upon my beautiful world ☀️???????????? #SABAAT
انہوں نے لکھا کہ اپنے پیاروں کے لیے اور ہر ایک کے لیے دعا کیجیے، انشا اللہ ہم پھر ایک ساتھ ملیں گے۔