پشاور ہائیکورٹ، مخصوص نشستوں پر حلف نہ لینے پر سپیکر اور ڈپٹی سپیکر خیبر پختونخوا سے جواب طلب

پشاور ہائیکورٹ، مخصوص نشستوں پر حلف نہ لینے پر سپیکر اور ڈپٹی سپیکر خیبر ...

  IOS Dailypakistan app Android Dailypakistan app

                                                پشاور (مانیٹرنگ ڈیسک) پشاور ہائیکورٹ نے خیبرپختونخوا اسمبلی کی مخصوص نشستوں پر ممبران سے حلف نہ لینے کے معاملے پر توہین عدالت کیس میں سپیکر اور ڈپٹی سپیکر سے جواب طلب کرلیا۔پشاور ہائیکورٹ میں اپوزیشن جماعتوں کی جانب سے دائر توہین عدالت درخواست پر سماعت جسٹس ایس ایم عتیق شاہ اور جسٹس سید ارشد علی نے کی، دوران سماعت وکیل درخواست گزار نے کہا عدالت نے مخصوص نشستوں پر منتخب ممبران اسمبلی سے حلف لینے کا حکم دیا تھا، عدالتی احکامات کے باوجود اپوزیشن کی مخصوص نشستوں پر حلف نہیں لیا گیا۔ وکیل درخواست گزار نے کہا سپیکر اور ڈپٹی سپیکراسمبلی نے عدالتی احکامات کی خلاف ورزی کی، لہٰذا سپیکر اور ڈپٹی سپیکر کیخلاف توہین عدالت کی کارروائی کی جائے۔عدالت نے ریمارکس دیئے کہ آئندہ سماعت پر سپیکر اور ڈپٹی سپیکر جواب جمع کرائیں، عدالت نے سپیکر اور ڈپٹی سپیکر خیبرپختونخوا اسمبلی کو نوٹس جاری کردیا۔ایک روز قبل خیبر پختونخوا اسمبلی کی مخصو ص نشستوں پر ممبران سے حلف نہ لینے کے معاملے پر منتخب ارکان نے پشاور ہائیکورٹ میں توہین عدالت کی درخواست دائر کی تھی۔ یاد رہے 27 مارچ کو پشاور ہائیکورٹ نے مخصو ص نشستوں پر حلف برداری کے کیس میں اپوزیشن ممبران کی درخواست منظور کرتے ہوئے سپیکر کو ممبران سے حلف لینے کا حکم دیدیا تھا۔

جواب طلب

مزید :

صفحہ اول -