اسرائیلی حملے میں 7امدادی کارکنوں کی ہلاکت، امریکہ کی مذمت، تحقیقات کا مطالبہ

اسرائیلی حملے میں 7امدادی کارکنوں کی ہلاکت، امریکہ کی مذمت، تحقیقات کا ...

  IOS Dailypakistan app Android Dailypakistan app

                                                                        نیو یارک(مانیٹر نگ ڈیسک) امریکی صدر جو بائیڈن نے غزہ میں اسرائیلی حملے میں 7 امدادی کارکنوں کی ہلاکت کی مذمت کی ہے۔امریکی صدر نے اسرائیل پر الزام عائد کیا کہ اس نے امدادی کارکنوں کا تحفظ یقینی بنانے کے لیے خاطر خواہ اقدامات نہیں کیے۔ صدر بائیڈن نے مطالبہ کیا ہے کہ اسرائیل اس واقعے کی فوری تحقیقات کرے اور اس کے نتائج عوام کے سامنے لائے جائیں۔ انہوں نے کہا کہ اسرائیل نے شہریوں کو درکار امداد پہنچانے والے امدادی کارکنوں کے تحفظ کے لیے خاطر خواہ اقدامات نہیں کیے جس کی وجہ سے غزہ میں امداد کی تقسیم بہت مشکل تھی۔ امریکی صدر نے یہ بھی الزام عائد کیا کہ اسرائیل نے شہریوں کی حفاظت کو یقینی بنانے کے لیے مناسب اقدامات نہیں کیے۔خیال رہے کہ گزشتہ دنوں غزہ میں غیرملکی این جی او ورلڈ سینٹرل کچن کے لیے کام کرنے والے 7 امدادی کارکنان اسرائیلی حملے میں ہلاک ہوگئے تھے جن میں امریکا، کینیڈا، آسٹریلیا، برطانیہ، پولینڈ اور فلسطین کی شہریت رکھنے والے کارکنان شامل تھے۔

امر یکہ کی مذمت

مزید :

صفحہ آخر -