ارسا کی جانب سے پانی کم کرنے پر پنجاب کااحتجاج
لاہور (مانیٹرنگ ڈیسک ) پنجاب کا ارسا کی طرف سے پانی کم کرنے پر شدیداحتجاج کیا ہے اور اس ضمن میں پنجاب کی طرف سے چیئرمین ارسا کو احتجاجی مراسلہ ارسال کر دیا ہے۔حکام کے مطابق چشمہ بیراج سے 10 ہزار کیوسک پانی کم ہونے سے جنوبی پنجاب میں فصلوں کو شدید نقصان پہنچنے کا خدشہ ہے جبکہ پانی کی کمی کے باعث رحیم یار خان اور اس کے ملحقہ علاقوں تک پانی نہیں پہنچ سکے گا جس سے فصلیں متاثرہو سکتی ہیں ۔
