دہشتگردی کے خاتمہ کیلئے قلم کا استعمال بھی ناگزیر ہے، میا ں منظور وٹو

دہشتگردی کے خاتمہ کیلئے قلم کا استعمال بھی ناگزیر ہے، میا ں منظور وٹو

لاہور(آن لائن) پیپلز پارٹی پنجاب کے صدر سابق وزیراعلیٰ پنجاب میاں منظور احمد وٹو سے پاکستان عوامی تحریک کے مرکزی سیکرٹری اطلاعات نوراللہ صدیقی نے گزشتہ روز ان سے ملاقات کی اور انہیں ڈاکٹر طاہر القادری کی طرف سے انسداد دہشتگردی اور فروغ امن کے نصاب کے حوالے سے مرتب کی گئی کتب دیں۔ اس موقع پر گفتگو کرتے ہوئے میاں منظور احمد خان وٹو نے کہا کہ دہشتگردی کے خاتمہ کیلئے بندوق کے ساتھ ساتھ قلم کا موثر استعمال بھی ناگزیر ہے۔ہم دہشتگردی کے خاتمے اور امن کے فروغ کیلئے اٹھنے والی ہر آواز اور ہر قدم کے ساتھ ہیں۔پاکستان پیپلز پارٹی کا ہر کارکن دہشتگردی کے ایشوء پر ابہام سے پاک موقف رکھتا ہے ۔دہشتگردی اور انتہا پسندی کسی ایک فرد یا جماعت کا نہیں بلکہ پوری قوم اورامت مسلمہ کا سب سے بڑا مسئلہ ہے۔ اس حوالے سے ڈاکٹر طاہر القادری کی یہ تحقیقی کاوش قابل قدر ہے، اس سے پہلے انہوں نے دہشتگردی کے خلاف 600صفحات پر مشتمل فتویٰ دیکر قوم کی رہنمائی کی جو بلاشبہ ایک قومی خدمت ہے اور اس کی ضرورت بھی محسوس کی جارہی تھی

مزید : علاقائی