پاکستانی کرکٹر نے متھیرا کا دل توڑ دیالیکن ایک بھارتی کھلاڑی خودہی میدان میں آگیا

پاکستانی کرکٹر نے متھیرا کا دل توڑ دیالیکن ایک بھارتی کھلاڑی خودہی میدان میں ...
پاکستانی کرکٹر نے متھیرا کا دل توڑ دیالیکن ایک بھارتی کھلاڑی خودہی میدان میں آگیا

  

دبئی (مانیٹرنگ ڈیسک) اپنی بے باکی کی وجہ سے شہرت یافتہ پاکستانی ادکارہ متھیرا کا پاکستانی کھلاڑی نے دل توڑ دیالیکن بھارتی کھلاڑی نے موقع دیکھتے ہوئے خود ہی بلالیا اور کہاکہ وہ بھی کرکٹر ہے ، آپ آجائیے ، اس کا انکشاف خود متھیرا نے ایک نجی ٹی وی چینل کے پروگرام میں گفتگوکرتے ہوئے کیا۔

متھیرا کاکہناتھاکہ’ وہ ہیروپسند نہیں کرتیں ، ایکٹرز بہت کمینے ہوتے ہیں ، تمام نہیں لیکن ان میں سے کچھ بہت موڈی ہوتے ہیں ، بعض اوقات نہایت برے طریقے سے پیش آتے ہیں ، ایساہی سلوک ان کیساتھ ایک پاکستانی کرکٹر نے کیا لیکن وہ نام نہیں لیں گی ۔

متھیرا کاکہناتھاکہ بھارتی ٹیم بھی پاکستانی ٹیم کیساتھ تھی ، وہ ایک ڈنر پرہوٹل میں آئے اور دیکھتے ہی میں نے اپنی ٹوپی اٹھائی اور کھلاڑیوں کی طرف بھاگ گئی ، میں بھی کھیل کی شوقین ہوں اور کھلاڑیوں سے کہاکہ پاکستانی ٹیم میں سے کوئی میری ٹوپی پر دستخط کردیے تو ان میں سے ایک نے کہاکہ کیاہمیں شرم نہیں آتی ، ہم بے وقوف نہیں ہیں تو میں نے کہاکہ آپ کی مہربانی ، ہمیں اندازہ ہے اور آپ یہ مجھے واپس کردیں ، اس پاکستانی کرکٹر نے کیپ مجھے واپس دی اور کھانا کھانا شروع کردیا جس پر میرادل چلانے کو کررہاتھا لیکن اسی دوران ایک بھارتی کھلاڑی نے مجھے بلایا اور کہاکہ ہم بھی کرکٹر ہیں ، یہاں آئیں اور میری ٹوپی پر دستخط کیے ، دستخط کرنیوالے بھارتی کھلاڑی دھونی تھے اور میں ٹوپی لہراتے ہوئے چلی گئی‘۔

متھیرا نے بتایاکہ دوسری مرتبہ ایئرپورٹ پر دھونی سے ملاقات ہوئی ، وہ امیگریشن کے مسائل میں پھنسی ہوئی تھیں لیکن دھونی کی ان کی مدد کی ۔

مزید : تفریح