دبئی طیارہ حادثہ : پی آئی اے نے دبئی جانے والی پروازیں منسوخ کر دیں
لاہور (مانیٹرنگ ڈیسک ) دبئی ایئر پورٹ پر طیارہ حادثے کے بعد پاکستان انٹرنیشنل ایئر لائنز نے لاہور ، کراچی اور اسلام آباد سے دبئی جانے والی پروازیں منسوخ کر دیں ۔
24نیوز کے مطابق پی آئی اے انتظامیہ نے لاہور سے دبئی جانے والی پرواز منسوخ کر دی ہے اور لاہور ایئر پورٹ سے دبئی جانے والے مسافروں کو گھر بھجوا دیا ہے۔ ترجمان پی آئی اے کا کہنا ہے کہ دبئی ایوی ایشن کی جانب سے کلیئرنس ملنے کے بعد پروازیں آپریٹ کی جائیں گی ۔ طیارہ حادثے کے بعد ایوی ایشن انتظامیہ نے چھوٹے طیاروں کو بھی ایئر پورٹ پر آنے سے روک دیا ہے جبکہ پی آئی اے کی ایئر بس اے320طیاروں کو لینڈنگ سے منع کر دیا ہے ۔
دوسری جانب اسلام آباد ایئر پورٹ کے رن وے میں خرابی کے باعث سکردو سے اسلام آباد آنے والی پرواز کو لاہور موڑ دیا گیا ہے ۔
