ہیلتھ کیئر کمیشن کا کریک ڈاؤن تیز ، جعلی ڈاکٹروں کے مزید 80اڈے بند

لاہور (جنرل رپورٹر)پنجاب ہیلتھ کیئر کمیشن نے عطا ئیوں کے خلاف جاری کارروائی کے دوران گزشتہ روز 80 عطائیوں کے کاروبارسر بمہرکر دیے ۔تفصیلات کے مطابق کمیشن کی ٹیموں نے فیصل آباد ، اٹک ،گجرانوالہ ، ساہیوال، خانیوال ،ڈیرہ غازی خان ، بہاولپور ،جھنگ اور سرگودھا میں انتظامیہ اور پولیس کے ساتھ مل کر کارروائی کی گئی۔ ٹیموں نے ان شہروں کے مختلف علاقوں میں ریکارڈ کے مطابق 228 علاج گاہوں پرچھاپے مارے اور 80 عطائیت کے مراکزکو بندکر دیا گیا 70عطائیوں نے دوسرے کاروبار شروع کر دیے ہیں ۔ سب سے زیادہ 17اڈے گجرانوالہ میں سربمہر کیے گئے، ڈی جی خان میں 15 ،خانیوال13، فیصل آبادمیں 12اڈے بند کئے۔