پی ٹی آئی کو بتائیں گے اپوزیشن کیسے ہوتی ہے

پیپلز پارٹی کی مرکزی رہنما شیری رحمن نے کہا ہے کہ ہم اسمبلی جا کر عوامی حقوق کی آواز بلند کریں گے اور پی ٹی آئی کو ایشو ٹو ایشو سیاست کرکے بتائیں گے کہ اپوزیشن کیسے کی جاتی ہے ہم یہ سمجھتے ہیں کہ عوام کے اصل حقوق کی آواز بلند کرنے لئے سب سے مضبوط اور فعال پلیٹ فارم اسمبلی ہے اس لئے ہم نے الیکشن میں ہمارے قائدین کے نتائج روکے جانے اور ان میں مبینہ طور پر ردوبدل کے باوجود اسمبلی میں جانے کا سب سے پہلے اعلان کیا تھا۔ایشو آف دی ڈے میں اظہار خیال کرتے ہوئے انہوں نے کہا کہ ہم متحدہ اپوزیشن کو ہر ایشو پر ساتھ لیکر چلیں گے یہ پیپلز پارٹی کے چیئرمین بلاول بھٹو زرداری کے موقف کی تائید ہے کہ متحدہ اپوزیشن ایک پلیٹ فارم پر نہ صرف اکھٹی ہوئی ہے بلکہ اس نے ہمارے کہنے پر اسمبلی جانے کا فیصلہ بھی کیا ہے جو جمہوریت کے لئے ایک نیک شگون ہے ۔
شیری رحمن