تحفظاتکے باوجود چاہتے ہیں سسٹم آگے بڑھے

ایم کیو ایم پاکستان کے مرکزی رہنما ڈاکٹر فاروق ستار نے کہا ہے کہ یہ اچھی بات ہے کہ متحدہ اپوزیشن اسمبلی کا حصہ بننے جارہی ہے اور یہ اس سے بھی اچھی بات ہے کہ متحدہ اپوزیشن نے اپنے امیدواروں کو اسمبلی میں حکومت کے امیدواروں کا مقابلہ کرنے کے لئے لانے کا فیصلہ کیا ہے ہم انہیں خوش آمدید کہتے ہیں ۔ایشو آف دی ڈے میں بات چیت کرتے ہوئے ان کا کہنا تھا کہ سیاست دانوں کو اسمبلی کے فلور پر ہی بات کرنی چاہئے اسمبلی کا بائیکاٹ کرنا مناسب نہیں ہے رہی الیکشن میں نتائج قبول کرنے کی بات تو اس پر ایم کیو ایم پاکستان کو بھی تحفظات ہیں اور ہم اب بھی اپنی اس بات پر قائم ہیں کہ الیکشن میں دھاندلی ہوئی ہے لیکن ہم چاہتے ہیں کہ سسٹم آگے بڑھے اور جس کو عوام نے مینڈیٹ دیا ہے وہ حکومت کرے۔
فاروق ستار