ڈنمارک ،مسلم خاتون کو نقاب پہننے پر پہلا جرمانہ 

کوپن ہیگن (صباح نیوز) یورپی ملک ڈنمارک میں مسلم خاتون کے چہرے پر نقاب پہننے پر پہلا جرمانہ کر دیا گیا، 28سالہ خاتون کو نقاب کر کے شاپنگ مال جانے پر ساڑھے 19ہزار روپے کا جرمانہ کیا گیا ۔
غیرملکی میڈیا کے مطابق ڈنمارک کی پارلیمنٹ نے ماہِ مئی میں عوامی مقامات پر مسلمان خواتین کے پورے چہرے کے نقاب پر پابندی کا قانون منظور کیا تھا جس پر یکم اگست سے اطلاق ہو گیا تھا ، نقاب پر پابندی کے خلاف مختلف شہروں میں احتجاجی مظاہرے بھی کئے گئے۔ خواتین نے کہا کہ وہ حق کے لیے لڑیں گی اورنقاب نہیں اتاریں گی۔ڈنمارک میں مسلم خواتین پر نقاب لگانے پر پابندی کے قانون کے مطابق پولیس اہلکار عوامی مقامات پر نقاب لگانے والی خواتین کو نقاب ہٹانے کا حکم دے سکیں گے یا انہیں وہاں سے گھر جانے کے لیے کہیں گے۔اس قانون کی پہلی بارخلاف ورزی پر ایک ہزار ڈینش کراؤن یعنی 120پاؤنڈ جرمانہ طے کیا گیا جبکہ کسی بھی خاتون کی جانب سے چوتھی بار خلاف ورزی کرنے پر 10ہزار ڈینش کراؤن تک جرمانہ کیا جاسکے گا۔