فاسٹ باؤلر حارث رؤف نے انگلینڈ میں ٹیم کو جوائن کرلیا
لاہور(سپورٹس رپورٹر)قومی ٹیم کے فاسٹ بولر حارث رؤف کا پاکستان میں متعدد بار ٹیسٹ پازیٹو آتا رہا جس کی وجہ سے ان کی انگلینڈ روانگی میں تاخیر ہوتی رہی، بالآخر گزشتہ روز وہ براستہ دبئی مانچسٹر روانہ ہوئے تھے جہاں کورونا ٹیسٹ نیگیٹو آنے پر انہیں اسکواڈ میں شامل کرلیا گیا ہے۔ منتخب کرکٹرز میں سے اب صرف شعیب ملک کی آمد رواں ماہ کے دوسرے ہفتے میں ہونا ہے، انہیں نجی مصروفیات کی وجہ سے تاخیر کے ساتھ سکواڈ جوائن کرنے کی اجازت دی گئی تھی، شعیب ملک کی آمد پر انگلینڈ میں موجود کھلاڑیوں میں سے کسی ایک کو ریلیز کر دیا جائے گا۔