سعودی عرب کے مختلف شہروں میں ہلکی اور تیز بارش،تعلیمی ادارے بند
ریاض(کے پی آئیے)سعودی عرب کے مختلف شہروں میں ہلکی اور تیز بارش کا سلسلہ جاری ہے ۔ حایل ریجن میں خراب موسم کے باعث جمعرات کو تعلیمی ادارے بند رہے ۔سعودی حکام کے مطابق طائف ریجن کے شمالی علاقوں میں وقفے وقفے سے بارش ہورہی ہے ۔ بریدہ ریجن میں بھی بارش کی پیش گوئی ہے جبکہ مکہ مکرمہ ، اللیث، جدہ ،مدینہ منورہ کاموسم ابرآلود رہے گا۔ حایل میں مسلسل بارش اور خراب موسم کے باعث تعلیمی ادارے بند کرنے کا اعلان کیا گیاہے۔
