تامل ناڈو اور آندھرا پردیش میں بارشوں نے تباہی مچا دی ،3OOافراد ہلاک سینکڑوں زخمی

تامل ناڈو اور آندھرا پردیش میں بارشوں نے تباہی مچا دی ،3OOافراد ہلاک سینکڑوں ...
تامل ناڈو اور آندھرا پردیش میں بارشوں نے تباہی مچا دی ،3OOافراد ہلاک سینکڑوں زخمی

  

نئی دہلی(مانیٹرنگ ڈیسک)بھارتی ریاستوں تامل ناڈو اور آندھرا پردیش میں بارشوں نے تباہی مچا دی ہے، ہلاکتیں تین سو سے زیادہ ہوچکی ہیں، سیکڑوں افراد زخمی ہیں، اور ہزاروں افراد پانی میں پھنسے ہوئے ہیں،بھارتی میڈیاکے مطابق بارشوں سے تامل ناڈو کا دارالحکومت چنائی سب سے زیادہ متاثر ہوا جہاں سڑکوں اور گلیوں میں کئی کئی فٹ پانی جمع ہے اور وہ تالاب اور نہروں کا منظرپیش کر رہی ہیں جبکہ کاروباری اور تعلیمی ادارے مکمل طور پر بند پڑے ہیں، ۔مختلف واقعات میں دو سو سترسے زائد افراد ہلاک ہوچکے ہیں اور زخمیوں کی تعداد سینکڑوں میں ہے۔تامل ناڈو میں ٹرین سروس معطل ہے جبکہ حکومت نے چنائی ایئرپورٹ بھی 6 دسمبر تک بند کر دیا ہے ۔ بھارتی ریاست آندھرا پردیش میں بھی مختلف حادثات میں 54 افراد ہلاک ہوگئے۔آندھرا پردیش میں موسلا دھار بارشوں سے ضلع چتور، نیلور سمیت دیگر اضلاع شدید متاثر ہوئے ہیںاور نظام زندگی درہم برہم ہو گیا ہے، بھارتی حکومت نے متاثرین کے لیے امدادی کارروائیاں شروع کردی ہیں تاہم مقامی افراد حکومتی اقدامات سے مطمئن نہیں۔

مزید : بین الاقوامی