چولستان کیلئے مختلف ترقیاتی سکیموں کا اجراء کر رہے ہیں،اقبال چنڑ

چولستان کیلئے مختلف ترقیاتی سکیموں کا اجراء کر رہے ہیں،اقبال چنڑ

لاہور(جنرل رپورٹر) صوبائی وزیر کوآپریٹو و چیئرمین چولستان ڈویلپمنٹ اتھارٹی ملک محمد اقبال چنڑ نے کہا ہے کہ چولستانیوں کی مشکلات کو دور کرنے اور ان کو ہر قسم کی سہولیات کی فوری فراہمی کے لئے ترقیاتی سکیموں کا اجراء کیا جا رہا ہے۔ وزیر اعلی پنجاب کی ہدایت پر چولستان میں 40 کروڑ روپے سے زائد کی لاگت سے چولستان کی سڑکوں اور دیگر ترقیاتی منصوبوں کو مکمل کیا جائے گا۔اس سلسلے میں جلد عملی کاموں کا آغاز کیا جا رہا ہے۔اس امر کا اظہار انہوں نے کیمپ آفس میں چولستانیوں کے وفد سے ملاقات میں کہا کہ چولستان جنوبی پنجاب کا اہم ترین خطہ ہے جو ڈویژن بھر میں پھیلا ہو ہے۔ چولستان بہاولپور ڈویژن کے تین اضلاع پر مشتمل وسیع علاقہ ہے۔وہاں کے مکینوں کو احساس کمتری سے نکا لنا وقت کی اہم ضرورت ہے۔چولستان کے لوگوں کو ہر قسم کی بنیادی سہولیات کی فراہمی ان کی دہلیز تک مہیا کی جا رہی ہیں۔انہوں نے کہا کہ چولستانی عوام کی امنگوں کے عین مطابق ترقیاتی منصوبے ریکارڈ مدت میں جلد از جلد مکمل کر لئے جائیں گے۔

مزید : میٹروپولیٹن 1