لیجنڈکرکٹرزکاٹی 10لیگ کو اولمپکس میں شامل کرنے کا مطالبہ

لیجنڈکرکٹرزکاٹی 10لیگ کو اولمپکس میں شامل کرنے کا مطالبہ

لاہور(سپورٹس رپورٹر)پاکستان کے لیجنڈ کرکٹرز نے ٹی 10لیگ کو اولمپکس میں شامل کرنے کامطالبہ کردیا۔کرکٹ کے مختصرترین فارمیٹ ٹی ٹین کو اولمپکس میں شامل کرنے کا مطالبہ زور پکڑنے لگا۔ پاکستان کے معروف کرکٹرزوسیم اکرم ،شاہد آفریدی، یونس خان اور مصباح الحق یک زبان ہوگئے۔وسیم اکرم کا کہنا ہے کہ پہلے کہا جاتا تھا کرکٹ کا دورانیہ طویل ہے اس لیے اولمپکس میں شامل نہیں کی جاسکتی، ٹی 20کے بارے میں بھی یہی کہا گیا لیکن اب ٹی 10آ گئی ہے تو اولمپکس میں شامل کی جائے۔بوم بوم آفریدی نے بھی کہا کہ اولمپکس میں شامل کرنے کے لیے ٹی ٹین سب سے بہترین فارمیٹ ہے۔ جو لوگ کرکٹ کے بارے میں زیادہ نہیں جانتے ، ٹی 10سے انہیں علم ہو گا کہ کرکٹ کیا ہے۔مصباح الحق اوریونس خان نے بھی ٹی ٹین کی حمایت میں آواز بلند کردی۔واضح رہے کہ کرکٹ کو 1900میں صرف ایک بار اولمپکس میں شامل کیا گیا تھا جس میں برطانیہ نے فرانس کو ہرا کر طلائی تمغہ جیتا تھا۔

مزید : کھیل اور کھلاڑی