سپریم کورٹ، آشیانہ اقبال کیس میں امتیاز حیدر کی درخواست ضمانت منظور

  سپریم کورٹ، آشیانہ اقبال کیس میں امتیاز حیدر کی درخواست ضمانت منظور

  



اسلام آباد(آئی این پی) سپریم کورٹ نے آشیانہ اقبال کیس میں امتیاز حیدرکی درخواست ضمانت منظورکر تے ہوئے ملزم کا پاسپورٹ جمع کرانے کی نیب کی استدعا مسترد کرتے ہوئے ملزم کو دس، دس لاکھ کے دو مچلکے جمع کرانے کا حکم دے دیا، چیف جسٹس نے ریمارکس دیئے حکومت نے نیب قانون تبدیل کرنے کیلئے کچھ نہیں کیا، اگراس معاملے کوہم تفصیل سے سنیں گے توہم مکمل انصاف کریں گے، ہوسکتا ہے ہم اس پورے کیس کو ختم کردیں، ایک سال 8 ماہ کا وقت بہت طویل وقت ہے، امتیازحیدرکا کوئی کردارنہیں بنتا۔تفصیلات کے مطابق سپریم کورٹ میں پنجاب لینڈ ڈویلپمنٹ کارپوریشن کے سابق چیف ایگزیٹو آفیسرامتیازحیدرکی درخواست ضمانت پر سماعت ہوئی۔سماعت کے دوران چیف جسٹس نے ریمارکس دیئے کہ تاثردیا گیا سپریم کورٹ نے نیب قانون میں سختی کردی ہے، کہا گیا کسی کو نقصان یا فائدہ پہنچانے کیلئے عدالت نے قانون سخت کیا، عدالت نے سختی نہیں کی صرف قانونی پوزیشن واضح کی تھی۔ حکومت کونیب قانون تبدیل کرنے کا کہا تھا لیکن حکومت نے کچھ نہیں کیا۔چیف جسٹس نے کہا کہ اگراس معاملے کوہم تفصیل سے سنیں گے توہم مکمل انصاف کریں گے، ہوسکتا ہے ہم اس پورے کیس کو ختم کردیں، ایک سال 8ماہ کا وقت بہت طویل وقت ہے، قانون میں 30دن کا وقت دیا گیا ہے، امتیازحیدرکا کوئی کردارنہیں بنتا، امتیاز حیدرکے اپنے کردارکودیکھنا ہے۔سپریم کورٹ نے امتیازحیدر کی درخواست ضمانت منظورکرلی جب کہ ملزم کا پاسپورٹ جمع کرانے کی نیب کی استدعا مسترد کرتے ہوئے ملزم کو دس، دس لاکھ کے دو مچلکے جمع کرانے کا حکم دے دیا۔

 آشیانہ اقبال کیس

مزید : راولپنڈی صفحہ آخر