لاڑکانہ،چار بچوں کے معذور  باپ نے خودکشی کرلی

لاڑکانہ،چار بچوں کے معذور  باپ نے خودکشی کرلی

  



لاڑکانہ (این این آئی)لاڑکانہ میں چار بچوں کے معذور باپ نے بے روزگاری سے تنگ آکر خودکشی کرلی۔تفصیلات کے مطابق دڑی تھانہ کی حدود میں بلاول کالونی کے رہائشی اللہ بخش سومرو نے خود کو مبینہ طور پر گھر میں لگے درخت سے لٹکا کر خودکشی کی۔ پولیس نے لاش کو ضابطے کی کارروائی کیلئے چانڈکا سول اسپتال منتقل کردیا ہے۔ورثا نے پولیس کو بیان دیا کہ اللہ بخش نے خودکشی سے قبل اہلخانہ اور بچوں کو اپنے عزیزوں کے گھر بھیجا اور پھر انتہائی قدم اٹھایا۔واضح رہے کہ معذور افراد کے ساتھ اظہار یکجہتی کیلئے پاکستان سمیت دنیا بھر میں آج دن منایا جا رہا ہے۔ جس کا مقصد معذوروں کو درپیش مسائل اجاگر کرنا اور معاشرے میں ان افراد کی افادیت پر زور دینا ہے۔

مزید : راولپنڈی صفحہ آخر