آغا سراج درانی کا دو روزہ راہداری ریمانڈ منظور

آغا سراج درانی کا دو روزہ راہداری ریمانڈ منظور
آغا سراج درانی کا دو روزہ راہداری ریمانڈ منظور

  

اسلام آباد (ڈیلی پاکستان آن لائن )احتساب عدالت نے سپیکر سندھ اسمبلی آغا سراج درانی کا دو روزہ راہداری ریمانڈ منظور کر لیا ہے ۔

تفصیلات کے مطابق نیب کی جانب سے آغا سراج درانی کو اسلام آباد کی احتساب عدالت میں پیش کیا گیا ، جہاں نیب کی جانب سے راہداری ریمانڈ کی استدعا کی گئی ، نیب کا کہناتھا کہ آغا سرا ج درانی کو کراچی منتقل کرناہے اس لیے راہداری ریمانڈ منظور کیا جائے ، احتساب عدالت کے جج نے استفسار کیا کہ کراچی منتقل کرنے میں کتنا وقت لگے گا ، احتساب عدالت کے جج نے آغا سیراج درانی کو مخاطب کرتے ہوئے کہا کہ آپ نے کچھ کہنا ہے ؟ جس پر سپیکر سندھ اسمبلی نے جواب دیتے ہوئے کہا کہ شام کی فلائٹ ہے اس کے ذریعے کراچی منتقل کر دیں ۔ نیب پراسیکیوٹر نے کہا کہ جو بھی پہلی فلائٹ دستیاب ہو گی اس کے ذریعے کراچی منتقل کر دیا جائے گا ۔

مزید :

اہم خبریں -قومی -