راولپنڈی ٹیسٹ ،  پاکستان کو فتح کیلئے ایک روز میں کتنے رنز درکار ہیں ؟

راولپنڈی ٹیسٹ ،  پاکستان کو فتح کیلئے ایک روز میں کتنے رنز درکار ہیں ؟
راولپنڈی ٹیسٹ ،  پاکستان کو فتح کیلئے ایک روز میں کتنے رنز درکار ہیں ؟

  

راولپنڈی (ڈیلی پاکستان آن لائن) 17 سال بعد دورہ پاکستان پر آئی انگلش ٹیم نے  پہلے ٹیسٹ میچ میں پاکستان کو فتح کیلئے  343 رنز کا ہدف دیا ، کھیل کے چوتھے روز کے اختتام پر قومی ٹیم نے دو وکٹوں کے نقصان پر  80 رنز بنا لئے ۔ 

راولپنڈی ٹیسٹ دلچسپ مرحلے میں داخل ہو گیا ، قومی ٹیم کو ایک روز میں  8 وکٹوں پر  263 رنز درکار ہیں ، امام الحق 43 اور سعود شکیل  24 رنز کے ساتھ کریزپر موجود ہیں ۔

چوتھے روز کا کھیل پاکستان نے 499 رنز  7 وکٹ سے آگے بڑھایا جہاں آغا سلمان 53 رنز بنا کر آؤٹ ہو گئے ، زاہد محمود نے 17 ، حارث رؤف نے  12 رنز بنائے ۔اس طرح قومی ٹیم نے اپنی پہلی اننگز میں 579 رنز بنائے ۔  انگلینڈ نے 78 رنز کی برتری کیساتھ دوسری اننگز کا آغاز کیا تمام کھلاڑیوں نے تیزی سے رنز میں اضافہ کیا ، بین ڈکٹ صفر ، اولی پوپ 15 ، زیک کراولی 50 ، جو روٹ 73  رنز جبکہ کپتان بین سٹوکس بغیر کوئی رن بنائے چلتے بنے ۔ ول جیکس 24 رنز ، ہیری بروک 87 رنز بنا کر آؤٹ ہوئے ۔ انگلینڈ نے 7 وکٹوں کے نقصان پر 264 رنز بنا کر اننگز ڈکلیئر کر دی ۔ 

مزید :

کھیل -