قرض دینے کا غیر قانونی کاروبار کرنے والی 150 موبائل ایپلی کیشنز بند 

قرض دینے کا غیر قانونی کاروبار کرنے والی 150 موبائل ایپلی کیشنز بند 
قرض دینے کا غیر قانونی کاروبار کرنے والی 150 موبائل ایپلی کیشنز بند 

  IOS Dailypakistan app Android Dailypakistan app

کراچی(این این آئی) چیئرمین ایس ای سی پی عاکف سعید نے کہا ہے کہ قرض دینے والی 150 غیر قانونی موبائل ایپلی کیشنز بند کرادی گئی ہیں۔پاکستان مرکنٹائل ایکسچینج کے زیر اہتمام ایکسپو میں اسٹاکس، کموڈیٹیز اور میوچل فنڈز میں سرمایہ کاری پر آگاہی سیمینار کے شرکا ءسے خطاب کرتے ہوئے چیئرمین سیکیورٹیز اینڈ ایکسچینج کمیشن آف پاکستان(ایس ای سی پی)عاکف سعید نے کہاکہ ایس ای سی پی نے150 غیر قانونی موبائل ایپلی کیشنز بند کرادی ہیں، یہ غیر قانونی ایپس صارفین کو ڈیجیٹل قرضے دینے کا غیر قانونی کاروبار کر رہی تھیں، سوشل میڈیا پر گمراہ کن سرمایہ کار ا یپس کے خلاف کارروائی کرتے رہیں گے۔ عوام سرمایہ کاری سے قبل ایس ای سی پی جی ویب سائٹس پر ضرور جائیں ایس ای سی پی غیر قانونی سرمایہ کاری کے پلیٹ فارم سے مسلسل آگاہ کرتا رہتا ہے۔انھوں نے بتایاکہ عوام میں مالیاتی فیصلہ سازی بارے شعور پیدا کرنے کے لیے ایس ای سی پی نے جمع پونجی کے نام سے وسیع آگہی پروگرام شروع کر رکھا ہے جس کا مقصد افراد کو باخبر مالی فیصلے کرنے کے لیے ضروری معلومات فراہم کرنا اور ان کی مالی خواندگی کو بہتر بنانا ہے۔