شکاریوں کاوائلڈ لائف عملے کو برہنہ کرکے تشدد، حیران کن خبرآگئی
رحیم یار خان (ویب ڈیسک) رحیم یار خان کے چولستان میں بااثر مسلح شکاریوں نے وائلڈ لائف کے عملے کو برہنہ کرکے تشدد کا نشانہ بنایا ہے۔ڈسٹرکٹ وائلڈ لائف افسر عاصم کامران کے مطابق چولستان کے علاقے شادی والا میں بااثر ملزمان نے وائلڈ لائف کے عملے کو یر غمال بنا کر برہنہ کر کے تشدد کا نشانہ بنایا اور تذلیل کرتے رہے بعد میں فائرنگ کر کے زخمی بھی کر دیا۔
روزنامہ جنگ کے مطابق تشدد کا نشانہ بننے اور زخمی ہونے والے وائلڈ لائف کے عملے کو شیخ زید ہسپتال میں منتقل کیا گیا ہے۔پولیس ذرائع کے مطابق چند روز قبل غیر قانونی شکار کرنے پر با اثر افراد کا چالان کیا گیا تھا۔پولیس کا کہنا ہے کہ تھانہ تبسم شہید میں 15 افراد کے خلاف مقدمہ درج کرلیا گیا ہے اور ملزمان کی گرفتاری کے لیے ٹیم بنا دی گئی ہے جبکہ ابھی تک ملزمان کو گرفتار نہیں کیا گیا ہے۔
