سی ٹی ڈی پنجاب کی کارروائیاں ، لاہور سمیت مختلف شہروں سے کتنے دہشتگرد گرفتار کر لیے گئے ؟ جانئے
لاہور (ڈیلی پاکستان آن لائن )سی ٹی ڈی پنجاب نے خفیہ اطلاعات پر مختلف شہروں میں کارروائی کرتے ہوئے 9 دہشتگردوں کو گرفتار کر لیا ہے ۔
تفصیلات کے مطابق سی ٹی ڈی پنجاب کی جانب سے چار شہروں میں خفیہ اطلاعات پر کارروائی کی گئی جن میں لاہور ، گوجرانوالہ، ڈی جی خان اور بہاولپور شامل ہیں ، اس دوران 9 دہشتگردوں کو گرفتار کیا گیاہے ، تمام کا تعلق کالعدم ٹی ٹی پی سے ہے ۔
یاد رہے کہ 30 جنوری کو پشاور پولیس لائنز میں واقع مسجد میں خود کش حملہ ہوا جس دوران 101 افراد شہید ہوئے جبکہ درجنوں زخمی ہوئے ، دھماکے کے بعد ملک بھر میں مساجد کی سیکیورٹی میں اضافہ کر دیا گیا جبکہ سیکیورٹی فورسز نے سر چ آپریشنز بھی کیئے ۔
