اسلام آباد کے نوجوان کو برطانیہ میں مقیم خاتون کی سوشل میڈیا پر قابل اعتراض تصاویر شیئر کرنا مہنگا پڑ گیا
اسلام آباد (ڈیلی پاکستان آن لائن ) ایف آئی اے سائبر کرائم سرکل اسلام آباد نے کارروائی کرتے ہوئے خاتون کو ہراساں کرنے والے ملزم کو گرفتار کر لیاہے ۔
تفصیلات کے مطابق ترجمان ایف آئی اے کا کہناتھا کہ ملزم شکایت کنندہ کی برطانیہ میں مقیم بیٹی کو ہراساں کر رہا تھا ، ملزم نے سوشل میڈیا پر متاثرہ خاتون کی قابل اعتراض تصاویر شیئر کیں ، ملزم 2020 سے متاثرہ خاتون کو بلیک میل کر رہا تھا ، ملزم مبین علی کو اسلام آباد سے گرفتار کیا گیاہے اور اس کے زیر استعمال ترین موبائل فونز کو ضبط کیا گیاہے ۔
