افغانستان میں خواتین کی اعلیٰ تعلیم پر پابندی کے خلاف احتجاج ، لیکچرار گرفتار کرلیا گیا
کابل (ویب ڈیسک) افغان طالبان کی جانب سے خواتین کی اعلیٰ تعلیم پر پابندی عائد کیے جانے کے خلاف ٹیلی ویژن پر احتجاج کرنے والے یونیورسٹی کے استاد کو گرفتار کرکے تشدد کا نشانہ بنایا گیا۔ شعبہ صحافت کے معروف لیکچرار اسمٰعیل مشعل نے طالبان حکام کی طرف سے خواتین کی اعلیٰ تعلیم پر پابندی عائد کرنے کے فیصلے پر احتجاج کرتے ہوئے گزشتہ سال دسمبر میں ٹی وی پر اپنی ڈگری اور سرٹیفکیٹس پھاڑ کر پھینک دیے تھے۔
ڈان نیوز کے مطابق حالیہ دنوں اسمٰعیل مشعل کو کابل میں راستے میں ملنے والے شہریوں کو کتابیں پیش کرتے ہوئے دیکھا گیا تھا۔لیکچرار اسمٰعیل مشعل کے ساتھی فرید احمد فضلی نے کہا کہ افغان طالبان اسمٰعیل مشعل پر بے رحمانہ تشدد کرتے ہوئے انہیں انتہائی تضحیک آمیز انداز میں لے گئے۔
افغانستان کی وزارت اطلاعات و ثقافت کے وزیر عبدالحق حماد نے سماجی رابطوں کی ویب سائٹ ٹوئٹر اپنے جاری بیان میں لیکچرار کو گرفتار کرنےکی تصدیق کرتے ہوئے کہا کہ ’استاد کافی عرصے سے نظام کے خلاف اشتعال پھیلانے میں مصروف تھا اس لیے سیکیورٹی اداروں نے ان سے تفتیش کے لیے انہیں اٹھایا ہے‘۔
½ استاد مشعل چې له څه وخت راهيسې يې په ډېر مهارت د نظام پر ضد پاروونکي کړنې ترسره کولې، مازديګر يې ګڼ شمېر خبريالان پر ځان راټول کړي وو او پر عمومي سړک يې ګڼه ګوڼه جوړه کړې وه، امنيتي ادارو د تحقيقاتو لپاره بيولی، زه ماخوستن ورغلم پوښتنه مې يې وکړه.
— Abdul Haq Hammad عبدالحق حماد (@AbdulHaqHammad2) February 2, 2023
باور وکړئ که څوک په خپل کور کې
اسمٰعیل مشعل کے ساتھی فرید احمد فضلی نے کہا کہ وہ کابل میں متعدد جامعات میں پڑھا چکے ہیں جن کو گزشتہ روز بغیر کسی جرم کے اٹھایا گیا ہے، وہ مرد اور خواتین کو مفت کتابیں فراہم کر رہے تھے جو ابھی تک تحویل میں ہیں اور ہمیں پتا نہیں کہ ان کو کہاں رکھا گیا ہے‘۔
افغان طالبان کے اقتدار کے دوران خواتین کی حمایت میں کسی مرد کا احتجاج کم ہی ہوتا نظر آیا ہے لیکن ایک شریک تعلیمی ادارہ چلاتے والے لیکچرار اسمٰعیل مشعل نے کہا کہ وہ خواتین کے حقوق کے لیے کھڑے ہوں گے، لیکچرار نے کہا کہ بحیثیت انسان اور ایک استاد میں خواتین کی تعلیم کے لیے کچھ کرنے سے قاصر تھا اس لیے میں نے اپنے سرٹیفکیٹس ناکارہ سمجھتے ہوئے پھاڑ دیا۔
انہوں نے کہا کہ ’میں آواز اٹھا رہا ہوں، اپنی بہنوں کے ساتھ کھڑا ہوں، میرا احتجاج جاری رہے گا چاہے میری زندگی چلی جائے‘۔
