ملکی سیاست میں بھٹو خاندان کی خدمات ناقابل فراموش،مخدوم احمد

  ملکی سیاست میں بھٹو خاندان کی خدمات ناقابل فراموش،مخدوم احمد

  IOS Dailypakistan app Android Dailypakistan app

لاہور(نمائندہ خصوصی)سابق گورنر پنجاب اور  پیپلز پارٹی جنوبی پنجاب کے صدر مخدوم احمد محمود نے کہا ہے کہ ن لیگ کیساتھ اتحاد میں گیونگ اور رسیونگ اینڈ چلنے تک مسئلہ حل نہیں ہو گا،مسائل ملکر حل کرنے کی ضرورت ہے،پیکاایکٹ کی ڈبیٹ کا حصہ نہیں مگر ذاتی طور پر کسی بھی قسم کی قدغن کیخلاف ہوں ان خیالات کا اظہار انہوں نے پیپلز سیکرٹیریٹ ماڈل ٹاؤن میں بھٹو لیگسی فاؤنڈیشن کے چیئرمین بشیر ریاض کے زیراہتمام آصفہ بھٹو زرداری کی 32ویں سالگرہ تقریب سے بطور مہمان خصوصی خطاب کرتے ہوئے کیا۔تقریب میں نظامت کے فرائض سینئر رہنما فیصل میر نے ادا کئے۔اس موقع پر ایم این اے ثمینہ گھر کی،ایم پی اے شازیہ عابد،فیصل میر،رانا جواد، عبدالقادر شاہین،نرگس خان،ڈاکٹر عائشہ شوکت، شاہدہ جبیں،فرخ مرغوب،بشریٰ منظور مانیکا،ہمایوں سرور بودلہ، فائزہ ملک،سبط حسن،ذیشان شامی،آغا تقی،میاں عتیق الرحمن،خدیجہ حسن،فرحت یاسمین، نادیہ شاہ،ڈاکٹر وسیم سیال، ریاض جٹ سمیت درجنوں کارکن موجود تھے،تقریب سے خطاب کرتے ہوئے مخدوم احمد محمود نے کہا کہ خاتون اول کی سالگرہ میں شرکت میرے لیے اعزاز کی بات ہے،پاکستان کی سیاست میں بھٹو خاندان کی خدمات کو نہیں بھلایا جاسکتا  آصفہ بھٹو کو خاتون اول کا خطاب دینے پر صدر مملکت آصف علی زرداری کے شکر گزار ہیں۔