ممتاز ادیب انتظار حسین کو مداحوں سے بچھڑے نو بر س بیت گئے
لاہور(فلم رپورٹر)اردو زبان کے ممتاز ادیب انتظار حسین کو مداحوں سے بچھڑے نو بر س بیت گئے۔ انہوں نے ناول نگاری، افسانوں، شاعری اور غیر افسانوی تحریروں سے عالمگیر شہرت حاصل کی۔انتظار حسین 21 دسمبر 1925 کو دیبائی ضلع میرٹھ میں پیدا ہوئے، انہوں نے ابتدائی تعلیم گھر پر ہی حاصل کی، 1942 میں آرٹس کے مضامین کے ساتھ انٹرمیڈیٹ اور 1944 میں بی اے کیا، انتظار حسین نے میرٹھ کالج سے اردو میں ایم اے کیا اور اردو ادب میں ماسٹر کی ڈگری بھی حاصل کی۔تعلیم مکمل کرنے کے بعد انتظار حسین شعبہ صحافت سے منسلک ہو گئے، انہوں نے اپنی ذہانت کے بل بوتے پر افسانے کو نیا رنگ دیا اور کم و بیش 130 سے زائد کہانیاں، ڈرامے اور تراجم کے علاوہ بے شمار کالم لکھے۔