آئی جی سے پولیس ملازمین، اہلخانہ کی ملاقات، مسائل سے آگاہ کیا
لاہور (کر ائم رپو رٹر)انسپکٹر جنرل پولیس پنجاب ڈاکٹر عثمان انور نے سنٹرل پولیس آفس میں پولیس ملازمین اور انکے اہلخانہ سے ملاقات کی۔ پولیس ملازمین کے مسائل سنے اور فوری ریلیف کیلئے احکامات جاری کیے تفصیلات کے مطابق کانسٹیبل باغ علی اور کانسٹیبل محمد شہباز کی درخواستوں پر اے آئی جی کمپلینٹس کو ریلیف کے احکامات جاری کئے۔ اسی طرح ریٹائرڈ مرحوم ہیڈ کانسٹیبل سیدزبیر علی کی بیٹی کی فیملی پنشن کی درخواست پر سی سی پی او لاہور کو ریلیف فراہم کرنے کی ہدایت کی۔ آئی جی پنجاب ڈاکٹر عثمان انور نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کئے۔