چوہنگ، موٹر سائیکل سواروں کی فائرنگ سے وکیل گھر کی دہلیز پر قتل 

    چوہنگ، موٹر سائیکل سواروں کی فائرنگ سے وکیل گھر کی دہلیز پر قتل 

  IOS Dailypakistan app Android Dailypakistan app

                                                                        لاہور(کر ائم رپو رٹر)چوہنگ کے علاقے میں شوٹرز نے فائرنگ کر کے ایڈووکیٹ کو گھر کی دہلیز پر قتل کر دیا، پولیس نے لاش پوسٹمارٹم کے لیے منتقل کر کے پہلی بیوی کو طلاق، پراپرٹی یا دیگر معاملات کو پیش نظر رکھتے ہوئے تفتیش شروع کردی۔ تفصیلات کے مطابق چوہنگ کے علاقے سلطان ٹاون میاں نوید نامی شہری کار پر سوار اپنے بچوں کو سکول چھور کرواپس جیسے ہی گھر کے گیٹ کے قریب پہنچا پیچھا کرتے نامعلوم موٹر سائیکل سواروں نے فائرنگ کر دی جس سے ایڈوکیٹ نوید موقع پر ہی دم توڑ گیا جبکہ شوٹرز موقع سے فرار ہو گئے اطلاع ملنے پر پولیس افسران ٹیم کے ہمراہ پہنچے سی سی ٹی وی کیمروں اور دیگر ذرائع استعمال کرتے ہوئے واقعے کے شواہد اکٹھے کرنے اور بیان لیکر تحقیقات شروع کردی   حکام نے بتایا کہ دیرینہ دشمنی سمیت تمام پہلوؤں کو مد نظر رکھتے ہوئے تحقیقات کی جا رہی ہے سابقہ بیوی کے ساتھ رنجش یا 8 سالہ پرانا کیس بھی قتل کی اہم وجہ ہو سکتا ہے، تاہم فی الوقت تحقیقات جاری ہیں۔   ملزمان کی گرفتاری کے لیے قریبی کیمروں اور سیف سٹی فوٹیجز کے ذریعے حملہ آوروں کی تصاویر بھی حاصل کر لی ہیں۔ پولیس کا کہنا ہے کہ مقتول نے 2 سال قبل دوسری شادی کی تھی جبکہ مقتول کا ایک کزن بھی کچھ عرصہ قبل قتل ہوا تھا اور میاں نوید اس کیس کی بھی پیروی کررہا تھا اس کے علاوہ مقتول میاں نوید کے پراپرٹی کے مسئلے بھی مخالفین کیساتھ چل رہے ہیں اور وہ پہلی بیوی کو بھی طلاق دے چکا ہے تفتیش میں یہ بات بھی سامنے آئی کہ اس سے قبل بھی مقتول پر قاتلانہ حملہ ہوا تھا، دوسری جانب مقتول میاں نوید کے والد میاں محمد جمیل نے مقدمہ اندراج کیلئے تھانہ چوہنگ پولیس کو درخواست دے دی۔

 ہے درخواست میں مقتول کے والد نے کہا کہ میرے بیٹے کو نامعلوم موٹر سائیکل سواروں نے فائرنگ کرکے قتل کیا ہے، جنہیں سامنے آنے پر پہچان سکتا ہوں۔

مزید :

علاقائی -