عمران خان نے آرمی چیف کو خط لکھ کر پالیسیوں پر نظر ثانی کی درخواست کر دی: بیر سٹر گوہر 

         عمران خان نے آرمی چیف کو خط لکھ کر پالیسیوں پر نظر ثانی کی درخواست ...

  IOS Dailypakistan app Android Dailypakistan app

                                                                         راولپنڈی (مانیٹرنگ ڈیسک، نیوز ایجنسیاں) عمران خان نے آرمی چیف جنرل عاصم منیر کو خط لکھ دیا۔چیئرمین تحریک انصاف بیرسٹر گوہر خان نے میڈیا سے گفتگو کرتے ہوئے بتایاکہ عمران خان نے آرمی چیف کو بطور سابق وزیر اعظم خط لکھا ہے، بانی کا خط پی ٹی آئی کا پالیسی شفٹ نہیں۔بیرسٹرگوہر نے کہا کہ بانی نے خط میں فوج اور عوام کے درمیان فاصلے کی وجوہات بیان کی ہیں، بانی نے کہا ہے فوج اور عوام میں خلیج نہیں بڑھنی چاہئے۔انہوں نے کہا کہ عمران خان نے نے سپہ سالار سے پالیسیز پر نظر ثانی کی درخواست کی ہے، بانی کا خط آج میڈیا کے سامنے آجائے گا، عمران خان نے کہا کمرہ عدالت میں 9 صحافیوں کو خط کی تفصیل بتائی ہے۔بیرسٹر گوہر کے مطابق بانی نے خط میں کہا ہے افواج پاکستان بہت قربانیاں دے رہی ہے، بانی نے کہا فراڈ الیکشن اور 26 ویں آئینی ترمیم وجوہات ہیں فوج اور عوام کے درمیان فاصلے کی، ساری چیزوں کا نزلہ فوج پر گر رہا ہے۔چیئرمین پی ٹی ا?ئی کے مطابق خط میں عمران خان نے کہا ہم انتشار نہیں چاہتے، فوج ہماری ہے، بانی نے آرمی چیف کو اوپن لیٹر لکھا ہے۔وکیل پی ٹی آئی فیصل فرید چوہدری نے کہا ہے کہ بانی پی ٹی آئی  عمران خان نے آرمی چیف کو خط لکھا ہے جس میں کہا ہے کہ اسٹیبلشمنٹ ان کے ساتھ کھڑی ہوئی جو خود دو بار کے این آر او زدہ ہیں۔اڈیالہ جیل میں صحافیوں سے غیر رسمی گفتگو کرتے ہوئے انہوں نے  کہا کہ بانی پی ٹی آئی  عمران خان نے آرمی چیف جنرل عاصم منیر کو خط بھجوایا ہے اور یہ خط انہوں ں ے ملک کی سب سے بڑی سیاسی جماعت اور سابق وزیراعظم کے طور پر بھجوایا گیا، خط میں دہشت گردی کے باعث فوجی جوانوں کی شہادت کے حوالے سے گزارشات پیش کی گئی ہیں اور خط میں چھ نکات پیش کیے گئے۔

بیرسٹر گوہر

مزید :

صفحہ اول -