انسداد منشیات سمگلنگ کیلئے ایئر پورٹس پر چیکنگ مزید سخت کرنے کا حکم 

    انسداد منشیات سمگلنگ کیلئے ایئر پورٹس پر چیکنگ مزید سخت کرنے کا حکم 

  IOS Dailypakistan app Android Dailypakistan app

                                                                        لاہور(آئی این پی)وفاقی وزیر داخلہ محسن نقوی نے منشیات سمگلنگ کی روک تھام کیلئے ایئر پورٹس پر چیکنگ مزید سخت کرنے کی ہدایت کر دی۔وزیر داخلہ و نارکوٹکس کنٹرول محسن نقوی کی زیر صدارت خصوصی اجلاس ہوا جس میں منشیات کی خرید و فروخت روکنے کیلئے اہم فیصلے کئے گئے، ڈی جی اے این ایف میجر جنرل عبدالمعید، ریجنل ڈائریکٹر اے این ایف بریگیڈیئر سکندر حیات، ڈائریکٹر انفورسمنٹ بریگیڈیئر عمران اور ڈائریکٹر انٹیلی جنس کرنل کامران نے اجلاس میں شرکت کی۔وفاقی وزیر داخلہ و نارکوٹکس کنٹرول محسن نقوی نے ملک بھر میں تعلیمی اداروں میں منشیات کی فروخت کیخلاف جاری کریک ڈاؤن پر ڈی جی اے این ایف میجر جنرل عبدالمعید اور ان کی ٹیم کی کارکردگی کو سراہا۔محسن نقوی نے کہا کہ تعلیمی اداروں میں منشیات خصوصاً ًآئس فروخت کرنیوالے عناصر کیخلاف سخت کارروائی جاری رکھی جائے منشیات کے بڑے ڈیلرز کو ہر صورت قانون کی گرفت میں لایا جائے۔ انہوں نے منشیات سمگلنگ کی روک تھام کیلئے ایئر پورٹس پر چیکنگ مزید سخت کرنے کی بھی ہدایت کی۔ سرحدی علاقوں میں ڈرونز کے ذریعے منشیات کا کاروبار کرنیوالے عناصر کیخلاف بلاامتیاز ایکشن لیا جائے  محسن نقوی نے سعودی عرب سے پاکستانی خاندان کی رہائی اور وطن واپسی کیلئے ڈی جی اے این ایف میجر جنرل عبدالمعید اور ان کی ٹیم کو شاباش دی اور محدود وسائل کے باوجود اے این ایف کی کارکردگی کو سراہا۔

محسن نقوی

مزید :

صفحہ اول -