مذاکرات سے بھاگنے والے فرسٹریشن کا شکار، طلال چوہدری 

    مذاکرات سے بھاگنے والے فرسٹریشن کا شکار، طلال چوہدری 

  IOS Dailypakistan app Android Dailypakistan app

 اسلام آباد (این این آئی)مسلم لیگ (ن) کے رہنما طلال چوہدری نے تحریک انصاف کے رہنما عمر ایوب کے بیان پر ردعمل کا اظہار کرتے ہوئے کہاہے مذاکرات سے بھاگنے وا لے شدید ذہنی تناؤ اور فرسٹریشن کا شکار ہیں۔ اپنے بیان میں طلال چوہدری نے کہا190 ملین پاؤنڈ کیس کے فیصلے کے بعد یہ اپنا دماغی توازن پہلے ہی کھو چکے تھے، وزیراعظم کے بارے میں عمر ایوب کا نوحہ بڑا دلدوز ہے۔ انہوں نے کہا عمر ایوب کو نقص حافظہ کی شکایت ہے، وہ شاید بھول چکے ہیں شہباز شریف اس ملک کے منتخب وزیراعظم ہیں، عمر ایوب کی گیدڑ بھبکیاں اس بات کا ثبوت ہیں وہ اپنا ذہنی توازن کھو چکے ہیں، مرشد حال مقیم اڈیالہ سے پوچھ لیں مذاکرات سے راہ فرار اختیار کر کے آپ کیا ثابت کرنا چاہتے تھے؟، آخر تحر یک انصاف کو کہاں سے امید نظر آ رہی ہے کہ وہ مذاکرات سے بھاگ کر پھر احتجاجی تحریکوں کی طرف جا رہی ہے۔ انہوں نے کہا مرشد حال مقیم اڈیالہ کا مطالبہ ہے جیل سے رہا کرو تو مذاکرات کروں گا، جیل سے رہا کرو تو احتجاج ملتوی کروں گا۔ طلال چوہدری نے کہا ”ایب سلیوٹلی ناٹ“ کا دیوان لکھنے والے اب اپنے تخلص تبدیل کرلیں، عوام اب آپ کے دھوکے میں نہیں آنیوالے، آپ یوم سیاہ منائیں یا احتجاج کریں، اب عوام آپ سے چھٹکارے کیلئے یوم نجات منائیں گے۔

طلال چوہدری

مزید :

صفحہ آخر -