میپکو،رننگ اور ڈیڈ ڈیفالٹرز سے ایک ارب روپے سے زائد کی رقم وصول

      میپکو،رننگ اور ڈیڈ ڈیفالٹرز سے ایک ارب روپے سے زائد کی رقم وصول

  IOS Dailypakistan app Android Dailypakistan app

 ملتان (نیوز رپورٹر)ملتان الیکٹرک پاورکمپنی (میپکو)نے ریکوری مہم(بقیہ نمبر14صفحہ7پر)

 میں رننگ اور ڈیڈڈیفالٹرز سے ایک ارب روپے سے زائد رقم وصول کرلی۔ جنوبی پنجاب میں سابقہ بقایاجات /واجبات وصول کرنے کے لئے رینجرزاور پولیس فورسز کی مشترکہ ٹیموں نے 27ہزار401ریکوری آپریشن کئے جس میں وصولیاں کرکے رقم خزانے میں جمع کروائی گئی۔چیف انجینئر کسٹمرسروسز سید جواد منصوراحمد نے کہا کہ چیف ایگزیکٹوآفیسر میپکو گل محمد زاہداور رینجرز کے اعلی حکام کی زیرنگرانی میپکو ریجن میں بجلی واجبات کی ادائیگی نہ کرنے والوں کے خلاف بلاامتیاز آپریشن کیاجارہاہے۔ یکم نومبر2024 تا31جنوری  2025 کے دوران3666رننگ ڈیفالٹرز سے 50کروڑروپے ریکوری کی گئی جس میں رننگ ڈیفالٹرز کی فہرست میں 4تا6ماہ کی مدت والے3545گھریلو/کمرشل/انڈسٹریل/زرعی ٹیوب ویل ڈیفالٹرز سے 10کروڑ23لاکھ20ہزاروپے، 6ماہ سے ایک سال کی مدت والے 121نادہندگان سے 98لاکھ60ہزار روپے بقایا رقم وصول کی گئی۔ مستقل نادہندگان کی فہرست میں 16401نادہندگان سے 50کروڑروپے ریکوری کی گئی جس میں ایک ماہ کی مدت والے1632ڈیڈڈیفالٹرز سے3کروڑ60لاکھ50ہزار روپے، دو ماہ کی مدت والے1931نادہندگان سے 4کروڑروپے، تین ماہ کی مدت والے3572 نادہندگان سے7کروڑ80لاکھ روپے،4سے6ماہ کی مدت والے5356نادہندگان 13کروڑ98لاکھ روپے،6ماہ سے ایک سال کی مدت والے 1836نادہندگان سے14کروڑ91لاکھ روپے،ایک سے تین سال کی مدت والے1256نادہندگان سے4کروڑ12لاکھ روپے،تین سال سے زائد مدت والے818نادہندگان سے ایک کروڑ56لاکھ روپے ریکوری کی گئی۔متنازعہ رقوم والے799کیسز حل کئے گئے جس میں نادہندگان سے 7کروڑ82لاکھ روپے اورمیپکو ریجن میں 6535صارفین سے بجلی بلوں کی اقساط کی مد میں 31کروڑ31لاکھ 50ہزارروپے کی رقم وصول کی گئی۔