خاتون نے گنگا رام ہسپتال کی چھت سے چھلانگ لگا کر خودکشی کر لی 

خاتون نے گنگا رام ہسپتال کی چھت سے چھلانگ لگا کر خودکشی کر لی 
خاتون نے گنگا رام ہسپتال کی چھت سے چھلانگ لگا کر خودکشی کر لی 

  IOS Dailypakistan app Android Dailypakistan app

لاہور(ڈیلی پاکستان آن لائن ) خاتون نے گنگا رام ہسپتال کی دوسری منزل سے چھلانگ لگا کر مبینہ طور پر خودکشی کر لی۔

ہسپتال انتظامیہ کے مطابق اسپتال کی دوسری منزل سے چھلانگ لگا کر مبینہ طور پر خودکشی کرنے والی خاتون کی شناخت صائمہ کے نام سے ہوئی، خاتون کے پاس سے ملنے والے ایمپلائی کارڈ کے مطابق وہ بینک آف پنجاب میں ملازمت کرتی تھی۔

ہسپتال انتظامیہ کا دعویٰ  ہے کہ خاتون نہ تو ہسپتال میں داخل تھی اور نہ ہی کسی مریض کی اٹینڈنٹ تھی، خاتون ذہنی مریضہ تھی جس نے کھڑکی سے چھلانگ لگا کر خودکشی کی۔ انتظامیہ کے مطابق خاتون کی شوہر سے علیحدگی ہو چکی تھی، متوفیہ والٹن کی رہائشی تھی اور اس کا 12 سال کا بیٹا بھی ہے جب کہ خاتون کے ورثا نے خودکشی اور ذہنی مریضہ ہونے کی تصدیق بھی کی ہے۔

ہسپتال انتظامیہ کا کہنا ہے کہ ورثا کے مطابق صائمہ پہلے بھی خودکشی کرنے کی کوشش کرچکی تھی، خاتون جب گنگا رام ہسپتال آئی تو اس کا بیٹا بھی اس کے ہمراہ موجود تھا۔