تین ارب روپے کی لاگت کے بعد حکومت نے چیچوکی ملیاں پاورپراجیکٹ ختم کردیا

سلام آباد(مانیٹرنگ ڈیسک) وزارت پانی وبجلی نے 525 میگاواٹ کا چیچو کی ملیاں پاور پلانٹ پراجیکٹ ختم کردیا جس کی تصدیق پاور کمپنی کے چیف ایگزیکٹو نے بھی کردی۔
ایکسپریس نیوز کے مطابق شیخوپورہ کے قریب 35 ارب کی لاگت سے 525 میگاواٹ کے لگنے والے چیچو کی ملیاں پاور پراجیکٹ پر 2008 میں کام شروع ہونا تھا جو مکمل نہ ہوسکا جبکہ پراجیکٹ کی تعمیر کے لئے 3 ارب روپے بھی خرچ کئے جاچکے ہیں اور سائٹ پر مشینری بھی موجود ہے تاہم وزارت پانی و بجلی نے پراجیکٹ ختم کرنے کا اعلان کردیا۔ شیخوپورہ کے قریب چیچو کی ملیاں پاور پراجیکٹ کے مقام پر ٹرانسمیشن نظام پہلے سے موجود تھا جبکہ قریب ہی چیچو کی ملیاں ہائیڈل پراجیکٹ بھی موجود ہے جس سے 4 سے 5 میگاواٹ بجلی حاصل کی جارہی ہے۔
دوسری جانب ترجمان وزارت پانی وبجلی کا کہنا ہے کہ پراجیکٹ کی تعمیر میں تاخیر کے باعث اس کی لاگت بڑھ چکی ہے جس کے باعث اسے بند کرنا پڑا جبکہ پراجیکٹ ناقابل عمل تھا ۔