یکم دسمبر 2016ءتک پرانے ڈیزائن کے کرنسی نوٹ ختم کرنے کافیصلہ

کراچی (ویب ڈیسک) وفاقی حکومت نے فیصلہ کیاہے کہ100,50,10اور 1000روپے کے پرانے ڈیزائن کے بینک نوٹوں کو مرحلہ وار ختم کردیا جائے کیونکہ 4جون 2015ءکو جاری کردہ گزٹ نوٹی فکیشن کے مطابق یکم دسمبر 2016ءسے پرانے ڈیزائن کے بینک نوٹوں کی قانونی حیثیت ختم ہوجائے گی۔ 5روپے کے نوٹ اور پرانے ڈیزائن کے 500کے نوٹ کی قانونی حیثیت پہلے ہی ختم ہوچکی ہے۔

 بینک دولت پاکستان نے نئے ڈیزائن کے بینک نوٹ کی سیریز جاری کی تھی جس کا آغاز 2005ءمیں 20روپے مالیت کے بینک نوٹ کے اجرا سے ہوا تھا اور اس کا مقصد بینک نوٹوں کی سیکورٹی، پائیداری اور جمالیاتی معیار میں بہتری لانا تھا۔ آٹھ مختلف مالیتوں پر مشتمل نئے ڈیزائن کے بینک نوٹوں کی مکمل سیریز (5روپے، 10روپے، 20روپے، 50روپے، 500روپے، 1000روپے اور 5000روپے) کے اجرا کا عمل 2008ءمیں مکمل ہوا تھا۔ کمرشل اور مائیکرو فنانس بینک 30نومبر 2016ءتک 100,50,10اور 1000روپے کے پرانے ڈیزائن کے بینک نوٹوں کی وصولی اور ان تمام مالیتوں کا اتنی ہی مالیت کے نئے ڈیزائن کے بینک نوٹوں اور سکوں سے تبادلہ جاریں رکھیں گے تاہم ایس بی پی بی ایس سی کے فیلڈ دفاتر 31دسمبر 2021ءتک عوام سے 100,50,10اور 1000روپے کے پرانے ڈیزائن کے بینک نوٹ قبول کرتے رہیں گے۔

بینکوں میں پرانے ڈیزائن کے تمام نوٹوں کے تبادلے کا آخری دن 30نومبر2016ءہے۔ پرانے ڈیزائن کے تمام نوٹوں کی قانونی حیثیت یکم دسمبر 2016ءسے ختم ہوجائے جبکہ ایسے تمام بینک نوٹوں کے ایس بی پی بی ای سی کے فیلڈ دفاتر سے تبادلے کا آخری دن 31دسمبر ہے۔