بھارت خطے میں دہشتگردی کو فروغ دے رہا ہے، رحمن ملک 

 اسلام آباد (این این آئی) پاکستان پیپلز پارٹی کے سینیٹر رحمن ملک نے کہا ہے کہ بھارت اس خطے میں دھشتگردی کو فروغ دے رہا ہے۔بدھ کو قومی کانفرنس برائے خطے کی بدلتی صورتحال اور پاکستان کا کردار پر سیمینار سے خطاب کرتے ہوئے سینیٹر رحمن ملک نے کہاکہ خوشی ہے کہ کانفرنس(بقیہ نمبر41صفحہ12پر)

 میں سارے سیاسی پارٹیوں کی قیادت ایک ہی صف و میز پر موجود ہے۔ انہوں نے کہاکہ کاش یہی ماحول ہمیں پارلیمنٹ میں بھی میسر ہوتا کہ قومی معاملات پر بات ہوتی۔، سینیٹر رحمان ملک نے کہاکہ بحیثیت اسلامی ایٹمی طاقت پاکستان کا کردار پورے دنیا میں نہ صرف اہم بلکہ مثبت رہا ہے۔انہوں نے کہاکہ اسلامی ممالک میں پاکستان کا کردار و تعلق ہمیشہ مثبت و غیر جانبدار رہا ہے۔انہوں نے کہاکہ ہم کسی بھی مسلم ملک کیخلاف حملے کیخلاف ہیں اور مخالفت کرینگے۔انہوں نے کہاکہ جب مغرب نے دیکھا کہ مسلم قیادت ایک جگہ اکٹھی ہوئی ہے تو انکے خلاف کاروائی شروع کرے انہوں نے کہاکہ اسلامی اتحاد کی سزا سب سے پہلے شہید ذوالفقار علی بھٹو کو دی گئی۔انہوں نے کہاکہ بعد میں یکے بعد دیگرے مسلم قیادت کو ختم کر دیا گیا، دنیا کی طاقتوں کا اپنا ایک ایجنڈا ہے۔انہوں نے کہاکہ ورلڈ وار 2کے بعد انہوں کو کچھ نیا سوچھا۔انہوں نے کہاکہ انہوں نے آئی ایم ایف پوری دنیا میں متعارف کروایا۔انہوں نے کہاکہ امریکہ نے عرب سپرنگ کے نام سے ایک انجینئرنگ کی۔انہوں نے کہاکہ عرب سپرنگ کے بعد ہم نے دیکھا کہ عراق کیسے تباہ ہوا،داعش ایک نیا نظریہ ہے جو امریکہ نے لانچ کیا۔انہوں نے کہاکہ یہی نظریہ انڈیا میں شروع ہوا اس کو آر ایس ایس کا نام دیا گیا،سری لنکا اور نیوزی لینڈ کے واقعات ہم نے دیکھے۔انہوں نے کہاکہ ان واقعات سے دو نظریوں کا اختلاف سامنے آیا۔انہوں نے کہاکہ آر ایس ایس کی مدد سے مودی مسلمانوں کو خاتمہ کر رہا ہے۔انہوں نے کہاکہ آر ایس ایس اور مودی کا یہ معاہدہ ہو چکا ہے کہ کشمیر کو ختم کیا جائے 
رحمن ملک