ٹیکس ایمنسٹی سکیم کا شاندار ردعمل اہداف حاصل کرلیں گے، حماد اظہر
لاہور(این این آئی) وزیر مملکت برائے ریو نیو محمدحماداظہرنے کہاہے کہ آئی ایم ایف کے ساتھ قرضے کے معاہدے پر دستخطوں کے بعد بین الاقوامی مارکیٹ کے دروازے کھل جائیں گے،حکومت اگلے مالی سال کے لئے طے کئے گئے ٹیکس اہداف حاصل کرے گی۔ایک انٹر ویو میں انہوں نے کہا کہ ٹیکس ایمنسٹی سکیم پربہت اچھاردعمل آیاہے اوربڑی تعداد میں لوگوں نے اس سکیم سے استفادہ کیاہے۔انہوں نے کہاکہ ایشیائی ترقیاتی بنک کے ساتھ ایک پروگرام تیار کیاجارہاہے جس کے تحت طورخم اورچمن کی سرحدوں پر سامان کی نقل وحمل اورآمدورفت کے لئے جدیدراہداری کی سہولت فراہم کی جائے گی۔انہوں نے کہاکہ گوادرجانے والاوسط ایشیائی راستہ بھی آئندہ چندماہ میں کھولاجارہاہے۔
حماد اظہر
