آصف زرداری سمیت دیگر کیخلاف 4نیب ریفرنسز، 8انکوائریوں کی منظوری
اسلام آباد(مانیٹرنگ ڈیسک،آن لائن)چیئرمین نیب جسٹس (ر) جاوید اقبال کی زیرصدارت نیب ہیڈکوارٹرز اسلام آباد میں منعقد ہ نیب ایگزیکٹو بورڈ کے اجلاس میں سابق صدر آ صف علی زرداری اور دیگر کے خلاف بد عنوانی کے 4 ریفرنسز اور 8انکوئریوں کی منظوری جبکہ جعلی اکاؤنٹس پارک لین پیراتھنن کیس میں چیئرمین پیپلزپارٹی بلاول بھٹو زرداری کوکلیئر قرار دیدیاگیاہے۔ذرائع کے مطابق جعلی اکاؤنٹس کے معاملے میں پارک لین پیراتھنن ایک اہم کیس تھا جس میں نیب نے ابتداء میں بلاول بھٹو کو بھی ملزم نامزد کیا تھا،نیب کی جوائنٹ انویسٹی گیشن ٹیم نے بلاول بھٹو زرداری سے اس متعلق پوچھ گچھ بھی کی تھی تاہم کیس کی تحقیقات میں بلاول بھٹو کے خلاف کچھ بھی ثابت نہیں ہوسکا۔ دوسری طرف آصف زرادر ی پر مبینہ طور پر میسرز پیراتھینان پرائیویٹ لمیٹڈ، میسرزپارک لین پرائیویٹ لمیٹڈ کیلئے حاصل کردہ فنانشل فیسیلٹی میں خورد برد اور جعلی بینک اکاؤنٹس کے ذریعے بدعنوانی کا الزام ہے جس سے قومی خزانے کو مبینہ طور پر 3.77 ارب روپے کا نقصان پہنچا۔ آصف زرداری کو پارک لین کے ڈائریکٹر کی حیثیت سے ملزم نامزد کیا گیا ہے جس میں جعلی کمپنی پارتھینون بنا کر 2009ء میں نیشنل بینک سے ڈیڑھ ارب کا قرض لیا گیا اور رقم کیش نکلوا کر کمپنی غائب ہوگئی۔ ایگزیکٹو بورڈ کے اجلاس میں میسرز ایکسیڈ پرائیویٹ لمیٹڈ کے حیات محمد مندوخیل کے خلاف بد عنوانی کا ریفرنس دائر کرنے کی منظوری دی۔ ملزم پر مبینہ طور پر قومی خزانے کو 455.7444 ملین روپے بدعنوانی کا الزام ہے۔ ایگزیکٹو بورڈ کے اجلاس میں ڈاکٹر ایوب روز ڈائریکٹر جنرل ہیلتھ سروسز اور دیگر کے خلاف بد عنوانی کا ریفرنس دائر کرنے کی منظوری دی۔ ملزمان پر مبینہ طور پراختیارات کا ناجائز استعمال کرتے ہوئے ڈینگی کنٹرول کیلئے ادویات کے ٹھیکے من پسند افراد کو دینے کا الزام ہے جس سے قومی خزانے کو تقریباً 70ملین روپے کا نقصان پہنچا۔ ایگزیکٹو بورڈ کے اجلاس میں سبطین فضلِ حلیم، مینجنگ ڈائریکٹرپنجاب ماس ٹرانزٹ اتھارٹی ملتان اور دیگر کے خلاف بدعنوانی کا ریفرنس دائر کرنے کی منظوری دی۔ ملزمان پر مبینہ طوراختیارات کا ناجائز استعمال کرتے ہوئے ملتان میٹرو کی فزیبیلٹی سٹڈی میں حقائق کے منافی تخمینہ لگانے، غیرقانونی طور پر ٹھیکے دینے، منصوبہ پر عملدرآمد میں تاخیرکی وجہ سے اخراجات میں مبینہ طور پر اضافہ کا الزام ہے جس سے قومی خزانے کو تقریباً 770ملین روپے کا نقصان پہنچا۔ قومی احتساب بیورو کے ایگزیکٹو بورڈ کے اجلاس میں 8 انوسٹی گیشنزکی منظوری دی گئی جن میں پاکستان پیپلزپارٹی کے سینیٹر عثمان سیف اللہ اور ان کے خاندان کے افراد انور سیف اللہ، سلیم سیف اللہ، ہمایوں سیف اللہ اور دیگر محمد صادق علی عمرانی، سابق صوبائی وزیر پی ایچ ای ڈیپارٹمنٹ بلوچستان اور دیگر، منظور قادرسابق ڈی جی سندھ بلڈنگ کنٹرول اتھارٹی کراچی اور دیگر، میجر ریٹائرڈسید خالد امین شاہ چیف سیکورٹی آفیسر، پشاور ڈویلپمنٹ اتھارٹی اور دیگر، سندھ سوشل ریلیف فنڈ کے اہلکاران و افسران و دیگر، پراجیکٹ ڈائریکٹر آف ایکسٹینشن آف پٹ فیدر کینال پراجیکٹ ڈیرہ مراد جمالی اور دیگرتمام پیکجز، مشینری مینٹیننس ڈویڑن خیر پور شکار پور کے اہلکاران و افسران، ٹھیکہ داران اور دیگر، ایجوکیشن ورکس ڈیپارٹمنٹ جیکب آباد کے اہلکاران و افسران، ٹھیکہ داران اور دیگرکے خلاف انوسٹی گیشن کی منظوری شامل ہیں۔ قومی احتساب بیورو کے ایگزیکٹو بورڈ کے اجلاس میں 6 انکوائریوں کی منظوری دی گئی جن میں سابق وزیر اعلیٰ خیبرپختونخوا اکرم خان درانی، رکن صوبائی اسمبلیاعظم خان درانی، عرفان درانی اور دیگر، وائرلیس لوکل لوپ/ لانگ ڈسٹنس انٹرنیشنل کمپنیز، نیپرا کے اہلکاران و افسران، بلال منیر شیخ چیف کمرشل آفیسر پی آئی اے اور دیگر، نیشنل ہائی وے اتھارٹی کے اہلکاران و افسران اور پاک پی ڈبلیو ڈی کے اہلکاران و افسران کیخلاف انکوائریوں کی منظوری دی گئی۔ نیب کے ایگزیکٹو بورڈ نے علی مدد شیرسابق وزیر تعلیم گلگت بلتستان، رکن پنجاب اسمبلی غضنفر عباس چھینہ، محمد شیر چھینہ ایڈیشنل ایڈووکیٹ جنرل ریوینیو ڈیپارٹمنٹ بھکر اوردیگر،کیٹل مارکیٹ مینیجمنٹ کمپنی بھاولپور کی انتظامیہ، اہلکاران و افسران اور دیگر پنجاب میٹ پراسیسنگ کمپنی کی انتظامیہ، اہلکاران و افسران اور دیگر، فیصل آباد کیٹل مارکیٹ منیجمنٹ کمپنی کی انتظامیہ، اہلکاران و افسران اور دیگر، اطہر حیات چیف آپریٹنگ آفیسرمیسرز باہم ایسوسی ایٹ اور دیگر، طماش خان سابق ناظم /رکن صوبائی اسمبلی پشاور کے خلاف اب تک عدم شواہد کی بنیاد پرقانون کے مطابق انکوائری بند کرنے کی منظوری دی۔ نیب کے ایگزیکٹو بورڈ نے احمد حسین ڈیہڑ ممبر قومی اسمبلی ملتان اور دیگرکیخلاف انویسٹی گیشن بورڈآف ریونیوپنجاب، سندھ پولیس کے اہلکاران و افسران سندھ پولیسکے اہلکاران و افسران کیخلاف انویسٹی گیشن چیف سیکرٹری سندھ،اکبر ایوب خان چیف ایگزیکٹو آفیسرپختونخوا انرجی ڈویلپمنٹ آرگنائزیشن اور دیگرکیخلاف انویسٹی گیشن چیف سیکرٹر ی خیبر پختونخوا،حاجی یاسین،غزالہ شاہین سابق رکن صوبائی اسمبلی اور دیگروائٹل گروپ آف کمپنیز بھاولنگر کے مالکان کے خلاف انکوائری بورڈآف ریونیوپنجاب، پی ایچ اے ملتان کے اہلکاران و افسران کے خلاف انکوائری چیف سیکرٹری پنجاب کو قانونی کارروائی کیلئے بھیجنے کی منظوری دی۔ اس موقع پر خطاب کرتے ہوئے چیئرمین نیب جسٹس جاوید اقبال نے کہا کہ بدعنوانی تمام برائیوں کے جڑ ہے جو ملکی ترقی میں سب سے بڑی رکاوٹ ہے۔ نیب "احتساب سب کے لئی" کی پالیسی پر قانو ن کے مطابق سختی سے عمل پیر ا ہے۔ہر شخص کی عزت نفس کا احترام قانون کے تقاضوں کو مد نظر رکھتے ہوئے یقینی بنایا جائے گا اس سلسلے میں کوئی کو تاہی برداشت نہیں کی جائے گی۔ نیب افسران ملک سے بدعنوانی کے خاتمے کو اپنا قومی فریضہ سمجھتے ہیں۔
نیب ریفرنسز
