"اب میں ہر بندے سے 50روپے لوں گی"، سنتھیارچی نے ایسی بات کہہ دی کہ ہنسی کا طوفان آگیا

"اب میں ہر بندے سے 50روپے لوں گی"، سنتھیارچی نے ایسی بات کہہ دی کہ ہنسی کا طوفان ...

  

اسلام آبا د(ڈیلی پاکستان آن لائن) پیپلز پارٹی کی اعلیٰ قیادت پر جنسی ہراسانی کے الزامات لگانے والی امریکی خاتون سنتھیارچی ان دنوں سماجی و روائتی میڈیا پر لوگوں کی توجہ کا مرکز بنی ہوئی ہیں۔

اپنی ایک تازہ ویڈیو میں سنتھیارچی نے خود سے سوال کرنے والے صحافیوں کے سامنے ایسی شرط رکھی کے سننے والے کھلکھلا کرہنس پڑے۔

سوشل میڈیا پر وائرل ایک ویڈیو میں دیکھا جاسکتا ہے کہ سنتھیارچی جن کے پیچھے کچھ وکلا موجود ہیں صحافیوں کے سوالوں کا جواب دے رہی ہیں۔ ویڈیو میں ایک جگہ سنتھیارچی رکتی ہیں اور پوچھتی ہیں کہ کسی اور کا کوئی سوال ہے ؟ جواب ہاں میں آنے کی صورت میں انہوں نے کہا ٹھیک ہے پھر وہ ایک سوال کے بدلے ہر بندے سے 50روپے لیں گی۔ ساتھ ہی انہوں نے کہا وہ دال چاول، بھینس کے دودھ  سے بنی دودھ پتی بمع  شہد بھی وصول کریں گی جس پر وہاں موجود تمام افراد قہقہہ لگانے پر مجبور ہوگئے۔

ایک شخص نے انہیں ان کی فرمائش پوری کرنے کے لیے گوجرانوالہ لے جانے کی بھی بات کردی۔ جس پر انہوں نے کہا ٹھیک ہے۔

خیال رہے کہ سنتھیارچی امریکی شہری اور بلاگر ہیں انہوں نے پیپلز پارٹی کے سابق وزیر داخلہ رحمان ملک پر زیادتی کا جبکہ سابق وزیراعظم یوسف رضا گیلانی اور وزیر صحت مخدوم شہاب الدین پر جنسی ہراسانی کے الزامات عائد کیے ہیں جس کے بعد انہیں مختلف صورتوں میں قانونی کارروائیوں کا سامنا ہے۔

مزید :

ڈیلی بائیٹس -