سکھر، اسکول جانے والی  بچی کھلے مین ہول میں گرگئی

سکھر، اسکول جانے والی  بچی کھلے مین ہول میں گرگئی

  

سکھر(ڈسٹرکٹ رپورٹر)سکھر میں طالبہ اسکول جاتے ہوئے کھلے مین ہول میں گر گئی جسے شاہراہ پر گزرتے لوگوں نے بچا لیا۔یہ واقعہ گزشتہ صبح مینارہ روڈ پر شالیمار کے علاقے میں پیش آیا جہاں اسکول جاتی بچی گٹر کے کھلے مین ہول میں گرگئی، شاہراہ پر گزرتے لوگوں نے فوری طور پر معصوم بچی کو گٹر سے نکالا۔بچی کو گٹر سے نکالنے کیلئے مینارہ روڈ پر شہریوں کا رش لگ گیا، گٹر سے نکلنے کے بعد بچی مکمل طور پر سہمی ہوئی تھی، شہریوں نے کہاکہ اسی مین ہول میں پہلے گائے کا بچھڑا بھی گر چکا ہے۔شہر کے مختلف علاقوں میں گٹر کے مین ہول کھلے ہوئے ہیں انتظامیہ کو بارہا آگاہ کرنے کے باوجود کھلے مین ہولز کو بند کرنے کیلئے انتظامیہ کوئی توجہ نہیں دے رہی۔

مزید :

پشاورصفحہ آخر -