لاہور دھماکے میں بھارت ملوث ، ماسٹر مائینڈ کا تعلق ”را“ سے ہے ، مشیر قومی سلامتی 

لاہور دھماکے میں بھارت ملوث ، ماسٹر مائینڈ کا تعلق ”را“ سے ہے ، مشیر قومی ...
لاہور دھماکے میں بھارت ملوث ، ماسٹر مائینڈ کا تعلق ”را“ سے ہے ، مشیر قومی سلامتی 

  

اسلام آباد ( ڈیلی پاکستان آن لائن )مشیر قومی سلامتی معید یوسف نے لاہور دھماکے کا الزام براہ راست بھارت پر عائد کر دیا ، معید یوسف نے کہا کہ لاہور دھماکے کے تمام شواہد کا تانہ بانہ ہندوستان سے جڑتا ہے، دھماکے کا ماسٹر مائنڈ بھارت میں رہتاہے اور اس کا تعلق بھارتی خفیہ ایجنسی ’ را‘ سے ہے،ہمیں ان کی تمام اصل چیزوں کی شناخت ہو چکی ہے، ہندوستان کی یہ کارروائیاں پہلی بار نہیں ہیں، تمام دہشتگردوں کے تعلقات بھارت سے ہیں۔ 

مشیر قومی سلامتی نے کہا کہ ہم نے اس سے قبل بھی عالمی اداروں کو تمام تفصیلات فراہم کی تھیں جن میں یہ چیزیں واضح تھیں کہ پاکستان میں ہونے والی دہشتگردی میں بھارت کا ہاتھ ہے ، بھارت سے دہشتگردوں کو فنڈنگ کی جاتی ہے، اس بات کے ثبوت بھی موجود ہیں بھارت نے تیسرے ملک کے ذریعے پاکستا ن میں دہشتگردی کے لئے بینکوں کے ذریعے مختلف اکاونٹس سے فنڈنگ کی۔

معید یوسف نے کہا کہ ہمارے ادارے سائبر سکیورٹی پر کا م کرکے بہت مضبو ط ہوگئے ہیں، جس دن دھماکہ ہوا ہمارے انوسٹی گیشن نیٹ ورک پر سائبر حملے کئے گئے ،کوئی شک نہیں کہ جوہر ٹاون کا واقعہ اور اس روز ہوئے سائبر حملے آپس میں جڑے ہوے ہیں، لاہور دھماکے پر اخراجات کی شروعات بھارت سے ہوئی، دنیا اصل دہشت گرد ملک کی طرف اپنی توجہ بڑھائے،ہمارے اداروں نے دشمن کی تمام چالوں کو ناکام بنا یا ہے ۔

مزید :

اہم خبریں -